Sohar Town organized Kairali family gathering

സൊഹാർ ടൗൺ കൈരളി കുടുംബ സംഗമം സംഘടിപ്പിച്ചു

20 May 2024 18:44 IST

Share News :

Sohar Town organized Kairali family gathering

സൊഹാർ: സൊഹാർ ടൗൺ കൈരളി കുടുംബ സംഗമം സംഘടിപ്പിച്ചു ഗൈലൽ ശബൂലിലെ ഫാം ഹൌസിൽ വെച്ച് നടന്ന പരിപാടി ജന പങ്കാളിത്തം കൊണ്ട് ശ്രദ്ധേയമായി.

കുട്ടികളുടെ ചിത്ര രചന മത്സരത്തോടെയാണ് പരിപാടി ആരംഭിച്ചത്. പത്താം ക്ലാസ്സ് പ്ലസ്സ് ടു പരീക്ഷയിൽ ഉയർന്ന വിജയം കരസ്ഥമാക്കിയ സോഹാർ കൈരളി മെമ്പർമാരുടെ മക്കൾക്കുള്ള അനുമോദനം വേദിയിൽ നടന്നു, തുടർന്ന് നടന്ന കലാപരിപാടിയിൽ കുട്ടികളുടെയും മുതിർന്നവരുടെയും നിരവധി വൈവിധ്യമാർന്ന കലാ പരിപാടികൾ അരങ്ങേറി.

സിനിമാറ്റിക് ഡാൻസ്, ക്‌ളാസിക്കൽ ഡാൻസ്, കവിത, ഗാനം, മ്യുസിക്കൽ ഡ്രം, സോളോ സിജു മുസ്‌രിസ് അവതരിപ്പിച്ചു. ന്യത്ത അധ്യാപകരായ ഹരീഷ് മാസ്റ്ററും സിറാജ് തലശ്ശേരിയും ചേർന്ന് അവതരിപ്പിച്ച ഡാൻസ്, നവാസ് മൂസ, സൗമ്യ സജീഷ്, സിറാജ്, രാഹുൽ, ജുവൽ, ഉബൈസ്, ധ്വനി എന്നിവർ അവതരിപ്പിച്ച ഗാനമേള കൂടാതെ അംഗങ്ങളെ പരിചയപ്പെടൽ എന്നിവയും പരിപാടി മികച്ചതാക്കി.

ഹസിദ, ലിൻസി, റീന, മിനി, മഞ്ജു എന്നിവർ വനിത കൂട്ടായ്മ നിയന്ത്രിച്ചു

ജിമ്മി സാമൂവലിന്റെ അദ്ധ്യക്ഷതയിൽ നടന്ന സാംസ്‌കാരിക സമ്മേളനം രാമചന്ദ്രൻ താനൂർ ഉദ്ഘാടനം ചെയ്തു. ശ്രീജേഷ് പട്യം സ്വാഗതം പറഞ്ഞു, തമ്പാൻ തളിപ്പറമ്പ, ഡോക്ടർ റോയ്, സജീഷ് ജി ശങ്കർ, മുരളി കൃഷ്ണൻ, വാസുദേവൻ, കെ ആർ പി വള്ളികുന്നം, മനോജ്‌ കുമാർ എന്നിവർ സംസാരിച്ചു. ബിജു കെ. പി നന്ദിയും പറഞ്ഞു.