24 Jun 2024 00:03 IST
Share News :
മസ്കറ്റ്: അൽ ദഖിലിയ ഗവർണറേറ്റിലെ ചെറുകിട, ഇടത്തരം സംരംഭ വികസന അതോറിറ്റിയിലെ ബിസിനസ്, ഇൻകുബേറ്റർ സെൻ്റർ 20 ടണ്ണിലധികം റോസാപ്പൂക്കളുടെ വിളവെടുപ്പ് നടത്തി, മുൻ സീസണിനെ അപേക്ഷിച്ച് 9 ടൺ വർദ്ധനവ്, 200,000 ഒമാനി റിയാൽ മൂല്യം കണക്കാക്കുന്നു. ഒമാനിലെ ജബൽ അഖ്ദറിൽ മാർച്ച് മുതലാണ് റോസാപ്പൂ വിളവെടുപ്പ് ആരംഭിക്കുന്നത്.
ജബൽ അൽ അഖ്ദറിലെ റോസാപ്പൂക്കൾ ഭക്ഷണം, പാനീയങ്ങൾ, ക്രീമുകൾ പോലുള്ള സൗന്ദര്യവർദ്ധക വ്യവസായങ്ങളിലും സുഗന്ധമുള്ള സോപ്പിൻറെ നിർമ്മാണത്തിലും ഉപയോഗിക്കുന്നുണ്ട്. റോസാദളങ്ങളുടെ അവശിഷ്ടങ്ങൾ സോപ്പ്, രാസവളം എന്നിവയുടെ നിർമാണത്തിന് ഉപയോഗിക്കുന്നു. കരകൗശല വിദഗ്ധർക്കും സംരംഭകർക്കും പനിനീർ, വിവിധ സുഗന്ധതൈലങ്ങൾ എന്നിവയുടെ നിർമാണം തുടങ്ങി നിരവധി മേഖലകളിൽ അധികൃതർ പരിശീലന ശിൽപശാലകൾ സംഘടിപ്പിച്ച് പിന്തുണ നൽകുന്നുണ്ട്.
ജബൽ അഖ്ദറിൽ ഏഴ് ഏക്കറിലായി 5,000ത്തിൽ പരം പനിനീർ ചെടികളുണ്ടെന്നാണ് ഔദ്യോഗിക കണക്കുകൾ. ഇവിടെനിന്നും ഉത്പാദിപ്പിക്കുന്ന റോസ് വാട്ടർ അന്താരാഷ്ട്ര വിപണിയിലടക്കം ഏറെ ആവശ്യക്കാരുള്ളവയാണ്. പനിനീർ നട്ടു വളർത്തലും പൂക്കളിൽ റോസ് വാട്ടർ ഉൽപാദിപ്പിക്കലുമൊക്കെ ജബൽ അഖ്ദറിലെ കർഷകരുടെ പ്രധാന വരുമാന മാർഗ്ഗമാണ്. ഒരു ഏക്കറിൽ നിന്ന് നാലായിരം ലിറ്റർ റോസ് വാട്ടർ ഉൽപാദിപ്പിക്കാനാവും. മൊത്തം 28,000 ലിറ്റർ റോസ് വാട്ടറാണ് ജബൽ അഖ്ദറിൽ ഒരു സീസണിൽ നിന്ന് ഉൽപാദിപ്പിക്കാൻ കഴിയുന്നത്.
⭕⭕⭕⭕⭕⭕⭕⭕⭕
ഗൾഫ് വാർത്തകൾക്കായി: https://enlightmedia.in/news/category/gulf
For: News & Advertisements: +968 95210987 / +974 55374122
⭕⭕⭕⭕⭕⭕⭕⭕⭕
Follow us on :
Tags:
More in Related News
Please select your location.