Photography Competition , Prizes for Winners 16

കൊടകര: പുത്തൂക്കാവ് താലപ്പൊലി, കൊടകര സെന്‍ര് ജോസഫ്‌സ് ഫൊറോന പള്ളി അമ്പുതിരുനാള്‍ എന്നിവയോടനുബന്ധിച്ച് കൊടകര പ്രസ്‌ക്ലബ്ബ് സംഘടിപ്പിച്ച ഫോട്ടോഗ്രാഫി മല്‍സരത്തിലെ വിജയികളെ പ്രഖ്യാപിച്ചു. പുത്തൂക്കാവ് ദേവീ ക്ഷേത്രത്തിലെ താലപ്പൊലി ആഘോഷവുമായി ബന്ധപ്പെട്ട ഫോട്ടോഗ്രഫി മല്‍സരത്തില്‍ സുരേഷ് ഐശ്വര്യ ,ചുങ്കാല്‍ ഒന്നാം സ്ഥാനം നേടി. വി.എന്‍.സനീഷ് ,കൊടകര രണ്ടാം സ്ഥാനത്തിനും അഭിഷേക് കനകമല മൂന്നാം സ്ഥാനത്തിനും അര്‍ഹരായി. കൊടകര ഫൊറോന പള്ളി തിരുനാളുമായി ബന്ധപ്പെട്ട് നടത്തിയ ഫോട്ടോഗ്രഫി മല്‍സരത്തില്‍ രാജേഷ് അശോകന്‍ ,മൂന്നുമുറിയാണ് ഒന്നാം സ്ഥാനം നേടിയത്. സിനറ്റ് സേവ്യര്‍ ,മനക്കുളങ്ങര, എല്‍വിന്‍ ആന്റണി, ഒളരിക്കര എന്നിവര്‍ യഥാക്രമം രണ്ടും മൂന്നും സ്ഥാനം നേടി. സജീവ് വസദിനി, സുരേഷ് കിഴുത്താണി എന്നിവര്‍ ചേര്‍ന്നാണ് സമ്മാനാര്‍ഹമായ ചിത്രങ്ങള്‍ തെരഞ്ഞെടുത്തത്. ഈ മാസം 16ന് കൊടകര ജി.എല്‍.പി സ്‌കൂളില്‍ സംഘടിപ്പിക്കുന്ന ചടങ്ങില്‍ വിജയികള്‍ക്ക് ക്യാഷ് അവാര്‍ഡും പ്രശസ്തി പത്രവും സമ്മാനിക്കുമെന്ന് പ്രസ് ക്ലബ് ഭാരവാഹികളായ കെ.പ്രസാദ്, ടി.ജി.അജോ, ഡിനോ കൈനാടത്ത് എന്നിവര്‍ അറിയിച്ചു.