Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
04 Nov 2024 06:27 IST
Share News :
കാഞ്ഞിരപ്പള്ളി: നവവധുവിനെ മൈലാഞ്ചിയുടെ മനോഹാരിതയിൽ അണിയിച്ചൊരുക്കുന്ന നസ്ലിൻ നിസാമിന്‍റെ കരവിരുത് കാഴ്ചക്കാരിൽ കൗതുകമുണർത്തും. വിവാഹിതരാകുന്ന പെൺകുട്ടികളുടെ ഏറ്റവും വലിയ സ്വപ്നമാണ് കൈകാലുകളിൽ വർണം ചാർത്തുന്ന മെഹന്തി എന്ന മൈലാഞ്ചി അണിയൽ. ഇതിന് ബ്യൂട്ടിപാർലറുകളിൽ വൻതുക ചെലവുവരും. എന്നാൽ, നസ്ലിൻ പ്രതിഫലം പ്രതീക്ഷിച്ചല്ല നവവധുവിനെ അവരുടെ അഭിരുചിക്കനുസരിച്ച് കൈയിലും കാലിലും മൈലാഞ്ചി അണിയിക്കുന്നത്. ചിത്രംവര ഏറെ ഇഷ്ടമായ നസ്ലിന് ഇതും ആ ഇഷ്ടത്തോട് ചേർന്നുനിൽക്കുന്നതാണ്. ഇടക്കുന്നം ഗവ. ഹയർ സെക്കൻഡറി സ്കൂളിലെ 11ാംക്ലാസ് വിദ്യാർഥിനിയായ നസ്ലിൻ നിസാം മൈക്ക ഇംഗ്ലീഷ് മീഡിയം ഹൈസ്കൂളിൽ പഠിക്കുമ്പോൾ വാട്ടർ പെയിന്‍റിങ്ങിലടക്കം മത്സരങ്ങളിൽ പങ്കെടുത്ത് നിരവധി സമ്മാനങ്ങൾ കരസ്ഥമാക്കിയിട്ടുണ്ട്. ബി.എസ്.എൻ.എൽ മുണ്ടക്കയത്തു നടത്തിയ ചിത്രരചന മത്സരത്തിലും ഒന്നാമത് എത്തി.
പെരുവന്താനം നാരകത്തിൻകാട്ടിൽ മുഹമ്മദ് നിസാമിന്‍റെയും സുൽഫത്തിന്‍റെയും മകളാണ്. കാഞ്ഞിരപ്പള്ളി കോവിൽക്കടവിനു സമീപമാണ് താമസം. മുഹമ്മദ് അജയ്ബ് സഹോദരനാണ്.
Follow us on :
More in Related News
Please select your location.
