Mala Sub-District News Reading Competition held

മാള:

മാള ഉപജില്ല വാർത്താവായന മത്സരം നടന്നു . മാള കേബിൾ വിഷൻ മീഡിയ ടൈം ചാനൽ ഓഫീസിൽ നടന്ന മത്സരത്തിൽ

ഹൈസ്‌കൂൾ- ഹയർ സെക്കന്ററി വിഭാഗങ്ങളിൽനിന്നായി പതിനാറോളം വിദ്യാർത്ഥികൾ പങ്കെടുത്തു. ഹൈസ്‌കൂൾ വിഭാഗത്തിൽ കുഴിക്കാട്ടുശ്ശേരി സെന്റ് മേരീസ് ഗേൾസ് ഹൈ സ്‌കൂളിലെ ആൻഡ്രിയ ജോസഫ് ഒന്നാം സ്ഥാനം നേടി . ആളൂർ സെന്റ് ജോസഫ് ഇ എം എച്ച് എസ് എസിലെ ആൽവിയ ബിന്തോഷിനാണ് രണ്ടാം സ്ഥാനം . മാള കോട്ടക്കൽ സൊക്കോർസോ ഗേൾസ് ഹൈ സ്‌കൂളിലെ നന്ദന രമേഷ് , മേലഡൂർ ഗവൺമെൻറ് ഹൈ സ്‌കൂളിലെ സി . ജെ . ശിവപ്രിയ എന്നിവർ മൂന്നാം സ്ഥാനവും നേടി . ഹയർ സെക്കൻഡറി വിഭാഗം മത്സരത്തിൽ മാള കോട്ടക്കൽ സൊക്കോർസോ ഗേൾസ് ഹയർ സെക്കണ്ടറി സ്‌കൂളിലെ പി . ജെ . ആൻ മരിയ ഒന്നാം സ്ഥാനം നേടി . പാലിശ്ശേരി എസ് എൻഡിപി ഹയർ സെക്കണ്ടറി സ്‌കൂളിലെ മീനാക്ഷി പ്രദോഷ് രണ്ടാം സ്ഥാനം നേടി . ആളൂർ എസ് എൻ വി എച്ച് എസ് സ്‌കൂളിലെ കെ . ബി . ജീസ് തെരേസ് ,പുത്തൻചിറ ജിവി എച്ച് എസ് എസിലെ കെ . ദേവനന്ദന എന്നിവർ മൂന്നാം സ്ഥാനം നേടി. വിജയികളായ വിദ്യാർത്ഥികൾക്ക് ഉപജില്ലയുടെ ഉപഹാരങ്ങൾ സമ്മാനിച്ചു. കൂടാതെ മത്സരത്തിൽ പങ്കെടുത്ത എല്ലാ വിദ്യാർത്ഥികൾക്കും മാള കേബിൾ വിഷൻ സമ്മാനങ്ങൾ നൽകി . സോഷ്യൽ സയൻസ് ക്ലബ്‌ മാള ഉപജില്ലാ സെക്രട്ടറി സി. എ ഹിബി , മാള കേബിൾ വിഷൻ പാർട്ണർമാരായ പി. ഗിരീഷ് , പി . എസ് . സുബിതൻ ,വാർത്ത അവതാരകരായ ബിനോയ്‌ പൗലോസ്, ടി. ആർ അജീഷ എന്നിവർ സംസാരിച്ചു.

Tags: