Kothamangalam Rotary Karate Club District Winners.

കോതമംഗലം റോട്ടറി കരാട്ടെ ക്ലബ്ബ് ജില്ലാ ജേതാക്കൾ.

കോതമംഗലം : എറണാകുളംജില്ലാ സ്പോർട്സ് കൗൺസിലിന്റെയും, ജില്ലാ ഒളിമ്പിക് അസോസിയേഷന്റേയും ജില്ലയിലെ അംഗീകാരമുള്ള എറണാകുളം ജില്ലാ കരാട്ടെ ദൊ അസോസിയേഷന്റെ ആഭിമുഖ്യത്തിൽ നവംബർ 16,17 തീയതികളിലായി കോലഞ്ചേരി കടയിരുപ്പ് ഗവ. ഹയർ സെക്കന്ററി സ്കൂളിൽ നടത്തപ്പെട്ട 45-മത് സബ് ജൂണിയർ, കേഡറ്റ്,ജൂണിയർ, അണ്ടർ- 21, സീനിയർ വിഭാഗങ്ങളിൽ ആയി നടന്ന മത്സരങ്ങളിൽ കോതമംഗലം റോട്ടറി കരാട്ടെ ക്ലബ്ബ് സീനിയർ വിഭാഗത്തിൽ ഓവറോൾ ചാമ്പ്യൻ പട്ടം നിലനിർത്തി ജേതാക്കളായി. ജൂണിയർ വിഭാഗത്തിൽ രണ്ടാം സ്ഥാനവും നേടി .എറണാകുളം ജില്ലാ കരാട്ടെ അസോസിയേഷനിൽ രജിസ്റ്റർ ചെയ്ത 55 ക്ലബ്ബുകളിൽ നിന്നായി 800ഓളം ജില്ലാ, സംസ്ഥാന, ദേശീയ താരങ്ങൾ അടങ്ങിയവർ പങ്കെടുത്തു.വിജയികൾ ഡിസംബറിൽ നടക്കുന്ന 45-മത് സംസ്ഥാന കരാട്ടെ ചാമ്പ്യൻഷിപ്പിൽ ജില്ലയെ പ്രതിനിധീകരിക്കും. ജില്ലാ ജേതാക്കളെ അനുമോദിക്കുന്നതിനായി കോതമംഗലം റോട്ടറി ഭവനിൽ ചേർന്ന അനുമോദന യോഗം റോട്ടറി കരാട്ടെ ക്ലബ്ബ് പ്രസിഡന്റ്‌ അഡ്വ കെ ഐ ജേക്കബ് ഉദ്‌ഘാടനം ചെയ്തു.2036ൽ നടക്കുന്ന ഒളിമ്പിക്സ് സ്വപ്നം കണ്ടുകൊണ്ടാകണം നാളെ മുതൽ തുടങ്ങുന്ന പരിശീലനം എന്നും എല്ലാ വിഭാഗം ആളുകളുടെയും സഹകരണം ഈ ലക്ഷ്യത്തിലെത്താൻ ഉണ്ടാകണമെന്ന് അദ്ദേഹം അഭ്യർത്ഥിച്ചു.ജില്ലാ കരാട്ടെ അസോസിയേഷൻ ജോ. സെക്രട്ടറി റെനി പോൾ അധ്യ ക്ഷത വഹിച്ചു. അസോസിയേഷൻ ഭാരവാഹികളായ ജയ സതീഷ്, ആൻ മരിയ ഷാജൻ, ജില്ലാ റഫറി അജയ് ജോസഫ് എന്നിവർ പ്രസംഗിച്ചു. റോട്ടറി കരാട്ടെ ക്ലബ്ബ് സെക്രട്ടറിയും, ജില്ലാ സ്‌പോർട്സ് കൗൺസിൽ ഭരണസമിതി അംഗവുമായ ജോയി പോൾ സ്വാഗതവും റോസ് മരിയ ബിജു കൃതജ്ഞതയും പറഞ്ഞു.

Tags:

enlightmedia,malayalamnews,kerala,latestnews