Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
08 Mar 2025 00:00 IST
Share News :
വൈക്കം: വൈക്കം മഹാദേവക്ഷേത്രത്തില്‍ 12 വര്‍ഷത്തിലൊരിക്കല്‍ നടത്തുന്ന കോടിഅര്‍ച്ചന വടക്കുപുറത്തു പാട്ടുമായി ബന്ധപ്പെട്ടുള്ള എതിരേല്‍പ്പുകള്‍ ദേശഎതിരേല്‍പ്പായി നടത്താന്‍ കോടിഅര്‍ച്ചന വടക്കുപുറത്തു പാട്ടു കമ്മിറ്റി തീരുമാനം. കൊച്ചാലുംച്ചുവട് ദേവിസന്നിധിയില്‍ നിന്നും ക്ഷേത്രത്തിലേക്കു നടത്തുന്ന ആചാരപരമായ എതിരേല്‍പ്പ് പൂര്‍ണ്ണമായും കമ്മിറ്റി നിയന്ത്രണത്തില്‍ നടത്തും. ഏപ്രില്‍ രണ്ട് മുതല്‍ ആരംഭിക്കുന്ന വടക്കുപുറത്തു പാട്ടിനോട് അനുബന്ധിച്ച് 13-ാം തിയതി വരെ 12 ദിവസങ്ങളിലായി വിവിധ ഭാഗങ്ങളില്‍ നിന്നും താലപ്പൊലികള്‍, ദേശതാലപ്പൊലികള്‍ എന്നിവ നടത്തുന്നതിന് വിവിധ സമുദായ സംഘടനകള്‍ക്ക് അവസരം നല്‍കിയിട്ടുണ്ട്. ദേശഎതിരേല്‍പ്പിന് 64 കുത്തുവിളക്കുകള്‍ എന്ന് കമ്മിറ്റി നിജപ്പെടുത്തി. നേരത്തെ ഇത് 41 ആയിരുന്നു. എതിരേല്‍പ്പ് ആവശ്യം ഉന്നയിച്ച സംഘടനകള്‍ക്ക് വിളക്കുകള്‍ എടുക്കുന്നത് തുല്യമായി വീതിച്ചു നല്‍കാനാണ് തീരുമാനമെന്ന് കമ്മിറ്റി പ്രസിഡന്റ് എസ്. സുധീഷ്‌കുമാര്‍, ജനറല്‍ സെക്രട്ടറി പി.സുനില്‍കുമാര്‍ എന്നിവര്‍ അറിയിച്ചു. മറ്റുള്ള പ്രചാരണങ്ങള്‍ അടിസ്ഥാനരഹിതമാണെന്ന് ഇവര്‍ പറഞ്ഞു. മാര്‍ച്ച് 17 മുതല്‍ ഏപ്രില്‍ 13 വരെയാണ് വൈക്കം മഹാദേവക്ഷേത്രത്തില്‍ കോടി അര്‍ച്ചനയും വടക്കുപുറത്തുപാട്ടും നടത്തുന്നത്. ക്ഷേത്രത്തിന്റെ കിഴക്കേനടയില്‍ വ്യാഘ്രപാദത്തറയ്ക്ക് സമീപം കോടി അര്‍ച്ചന മണ്ഡപത്തിന്റെ പണികള്‍ പുരോഗമിച്ച് വരികയാണ്.
Follow us on :
Tags:
More in Related News
Please select your location.
