ഖത്തറിൽ തെരഞ്ഞെടുപ്പ് കൺവെൻഷൻ '

മുക്കം: പൊതുതെരഞ്ഞെടുപ്പിൽ വോട്ടവകാശം വിനിയോഗിച്ചു കൊണ്ട് ജനാധിപത്യം സംരക്ഷിക്കൽ ഓരോ ഇന്ത്യൻ പൗരൻ്റെയും കടമയാണെന്ന് ഖത്തർ കെ.എം.സി.സി സംസ്ഥാന ജനറൽ സെക്രട്ടറി സലിം നാലകത്ത് പറഞ്ഞു. രാഹുൽ ഗാന്ധിയുടെ തെരഞ്ഞെടുപ്പ് പ്രചാരണത്തിന്റെ ഭാഗമായി യു.ഡി.എഫ് ഖത്തർ കൊടിയത്തൂർ പഞ്ചായത്ത് തെരഞ്ഞെടുപ്പ് കൺവൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാഹുൽ ഗാന്ധിയുടെ കരങ്ങൾക്ക് ശക്തി പകരണമെന്നും അദ്ദേഹം കൂട്ടിച്ചേർത്തു. ഇൻകാസ് ഖത്തർ അഡ്വൈസറി ബോർഡ് ചെയർമാൻ സിദ്ദീഖ് പുറായിൽ മുഖ്യാതിഥിയായി. അനീസ് കലങ്ങോട്ട് അധ്യക്ഷനായി. ഹാരിസ് മാനു വരച്ച രാഹുൽ ഗാന്ധിയുടെ ചിത്രം സിദ്ദീഖ് പുറായിൽ പ്രകാശനം ചെയ്തു. ഇൻകാസ് ജനറൽ സെക്രട്ടറി ബഷീർ തുവാരിക്കൽ, കെ.എം.സി.സി കോഴിക്കോട് ജില്ലാ ജനറൽ സെക്രട്ടറി അത്തീഖ് റഹ്‌മാൻ, ഇൻകാസ് ജില്ലാ പ്രസിഡൻ്റ് വിപിൻ മേപ്പയൂർ, കെ.എം.സി.സി ജില്ലാ സെക്രട്ടറി ഒ.പി സാലിഹ്, ലീഗൽ സെൽ വൈസ് ചെർമാൻ അഡ്വ. സജിമോൻ കാരക്കുറ്റി, കെ.പി സഫ്‌വാൻ, അനീസ് എരഞ്ഞിമാവ്, കെ.ടി അബ്ദുല്ല, അസീസ് പുറായിൽ, സി.ടി സിദ്ദീഖ്, ഹാഷിം തിരുവമ്പാടി സംസാരിച്ചു.