District Archery Championship Launched

കൈപ്പറമ്പ്: തൃശ്ശൂർ ജില്ലാ ആർച്ചറി ചാമ്പ്യൻഷിപ്പ്കൈപ്പറമ്പ് ആർട്ടിമിസ്സ് അക്കാദമിയിൽ ആരംഭിച്ചു.. ചാമ്പ്യൻഷിപ്പ് ജില്ല പഞ്ചായത്ത് പ്രസിഡണ്ട് വി.എസ്. പ്രിൻസ് ഉദ്ഘാടനo ചെയ്തു.നിരവധി ജില്ല സംസ്ഥാന ദേശീയ അന്തർ ദേശീയ താരങ്ങളെ സൃഷ്ടിച്ചെടുക്കാനും മികച്ച കായികതാരങ്ങൾക്ക് തൊഴിൽ ലഭ്യമാക്കുവാനും,ജില്ലാ ആർച്ചറി അസോസിയേഷന്റെ നേതൃത്വത്തിലുള്ള പ്രവർത്തനങ്ങൾക്ക് സാധിച്ചിട്ടുണ്ടെന്ന് ഉദ്ഘാടന പ്രസംഗത്തിൽ ജില്ലാ പഞ്ചായത്ത് പ്രസിഡണ്ട് പറഞ്ഞു.യോഗത്തിൽ ജില്ലാ ആർച്ചറി അസോസിയേഷൻ പ്രസിഡണ്ട് സി.ജെ. ജെയിംസ് അധ്യക്ഷതവഹിച്ചു.മുൻ ബ്ലോക്ക് പഞ്ചായത്ത് പ്രസിഡണ്ടും, ജില്ല സ്പോർട്സ് കൗൺസിൽ അംഗവുമായ സി. വി.കുര്യാക്കോസ് മുഖ്യാതിഥിയായിരുന്നു. ആർച്ചറി അസോസിയേഷൻ ജില്ലാ വൈസ് പ്രസിഡണ്ട് ജോൺസൺ ജോർജ്,ഇന്റർനാഷണൽ കോച്ചും ആർച്ചറി അസോസിയേഷൻ ജില്ലാ ജനറൽ സെക്രട്ടറിയുമായ എം.

ആർ.സന്തോഷ്, ഡോക്ടർ ഇ.ബി.ബിനോയ്, കൺവീനർ അബി ജോൺസൺ,എന്നിവർ സംസാരിച്ചു.. ജില്ല ചാമ്പ്യൻഷിപ്പ്25ന് സമാപിക്കും.10, 13,15,18 വയസ്സിന് താഴെയും, സീനിയർ വിഭാഗത്തിലുമാണ് മത്സരം നടക്കുന്നത്..250 ഓളം മത്സരാർത്ഥികൾ ചാമ്പ്യൻഷിപ്പിൽ പങ്കെടുക്കും..

Tags: