Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
16 Jun 2024 19:43 IST
Share News :
വൈക്കം: പ്രവാചകന്‍മാരായ ഇബ്രാഹിമിന്റെയും മകന്‍ ഇസ്മാഈലിന്റെയും ത്യാഗസ്മരണകളുണര്‍ത്തി നാളെ (ജൂൺ 17) തിങ്കളാഴ്ച ബലിപെരുന്നാള്‍ ആചരിക്കും. രാവിലെ വിവിധ മസ്ജിദുകളില്‍ നടക്കുന്ന നമസ്‌കാരത്തിനും പ്രഭാഷണത്തിനും ശേഷം നേര്‍ച്ചയാക്കിയ മൃഗങ്ങളെ ബലിയര്‍പ്പിക്കും. ഒറ്റക്കും പങ്ക് ചേര്‍ന്നുമാണ് നേര്‍ച്ച മൃഗങ്ങളെ വാങ്ങുന്നത്. തുടര്‍ന്ന് ബലിയര്‍പ്പിച്ച മൃഗങ്ങളുടെ മാംസം മഹല്ലിലെ മുഴുവന്‍ ഭവനങ്ങളിലും എത്തിക്കും. ബലി പെരുന്നാള്‍ നമസ്‌കാരത്തിനായി വൈക്കം താലൂക്കിലെ പള്ളികള്‍ ഒരുങ്ങിക്കഴിഞ്ഞു.
വൈക്കം ടൗണ്‍ ജുമാ മസ്ജിദില്‍ രാവിലെ എട്ടിന് ആരംഭിക്കുന്ന ഈദ് നമസ്‌കാരത്തിന് ഹുസൈര്‍ ബാഖവി നേതൃത്വം നല്‍കും. തലയോലപ്പറമ്പ് മുഹിയിദ്ദീന്‍ പള്ളിയില്‍ രാവിലെ എട്ടിന് ബുഹാരി ഫൈസി, ചെമ്പ് ജുമാ മസ്ജിദില്‍ എട്ടിന് ഇഷാം ബദരി ബാഖവി, കാട്ടിക്കുന്ന് ജുമാമസ്ജിദില്‍ 7.30ന് അഷറഫ് ബാഖവി, കുലശേഖരമംഗലം നുസ്റത്തുല് ഇഖുവാന്‍ സലഫി മസ്ജിദില്‍ 7.30ന് അബ്ദുല്‍ അലിയ്യ് മൗലവി, കുടവെച്ചൂര്‍ അന്‍സാറുല്‍ എട്ടിന് ഇസ്‌ലാം ജുമാ മസ്ജിദില്‍ 8.30ന് സുധീര്‍ മൗലവി, നക്കംതുരുത്ത് ജുമാ മസ്ജിദില്‍ എട്ടിന് ജസീര്‍ ഫൈസാനി, മറവന്‍തുരുത്ത് മുഹിയിദ്ദീന്‍ പള്ളിയില്‍ എട്ടിന് കമറുദ്ദീന്‍ മുസ്‌ലിയാര്‍, മണകുന്നം ജുമാമസ്ജിദില്‍ എട്ടിന് അഫ്‌സല്‍ മന്നാനി, കരിപ്പാടം മുഹിയിദ്ദീന്‍ പള്ളിയില്‍ 8.30ന് അല്‍ അമീന്‍ ജൗഹരി, മിഠായികുന്നം ജുമാ മസ്ജിദില്‍ എട്ടിന് മുഹമ്മദ് അബ്ബാസ് അസ്ഹരി, വടകര മുഹിയിദ്ദീന്‍ ജുമാ മസ്ജിദില്‍ 7.30ന് അബ്ദുല്‍ ഹക്കീം അല്‍ഹാദി, വെള്ളൂര്‍ നുസ്റത്തുല് ഇഖുവാന്‍ ജുമാമസ്ജിദില്‍ എട്ടിന് മുഹമ്മദ് സലിം മിസ്ബാഹി, ഇറുമ്പയം ജുമാ മസ്ജിദില്‍ 8.30ന് ഷെഫീര്‍ സഖാഫി, തലയോലപ്പറമ്പ് സലഫി മസ്ജിദിന്റെ നേതൃത്വത്തില്‍ പാലസ് ഓഡിറ്റോറിയം ഗ്രൗണ്ടില്‍ രാവിലെ ഏഴിന് മുഹമ്മദ് ബൈജു സലഫി, അപ്പാഞ്ചിറ മുഹിയിദ്ദീന്‍ പള്ളിയില്‍ ഒന്‍പതിന് അപ്പാഞ്ചിറ മുഹിയിദ്ദീന്‍ പള്ളിയില്‍ ഒന്‍പതിന് അബ്ദുല്‍ സമദ് ബാഖവി, എച്ച്എന്‍എല്‍ ജുമാ മസ്ജിദില്‍ 8.30ന് ജുമാ മസ്ജിദില്‍ ഉബൈദുള്ള സഖാഫി എന്നിവര്‍ ബലി പെരുന്നാള്‍ നമസ്‌കാരത്തിനും പ്രഭാഷണത്തിനും നേതൃത്വം നല്‍കും. സലഫി മസ്ജിദുകളില്‍ സ്ത്രീകള്‍ക്കും നമസ്‌കാര സൗകര്യം ഒരുക്കിയിട്ടുണ്ട്.
Follow us on :
Tags:
More in Related News
Please select your location.
