An organising committee has been formed for the Madhuvam Kavyolsavam.

നടുവം കാവ്യോൽസവം സംഘാടക സമിതി രൂപീകരിച്ചു.

16 Nov 2024 17:45 IST

Share News :

An organising committee has been formed for the Madhuvam Kavyolsavam.

ചാലക്കുടി: ചാലക്കുടി സഗരസഭയും കലാ-സാംസ്ക്കാരിക സംഘടനയായ നടുമുറ്റം സാംസ്ക്കാരിക വേദിയും ചേർന്നൊരുക്കുന്ന നടുവം കാവ്യോൽസവത്തിന് നഗരസഭ അധ്യക്ഷൻ എബി ജോർജ്, ഉപാധ്യക്ഷ ആലീസ് ഷിബു, വിവിധ സ്ഥിരം സമിതികളുടെ അധ്യക്ഷത വഹിക്കുന്ന എം.എം. അനിൽകുമാർ, പ്രീതി ബാബു, ബിജു എസ് ചിറയത്ത്, ആനി പോൾ, ദീപു ദിനേശ്,

യു ഡി എഫ് പാർലമെന്ററി പാർട്ടി ലീഡർ ഷിബു വാലപ്പൻ, എൽ ഡി എഫ് പാർലമെന്ററി പാർട്ടി ലീഡർ സി.എസ് സുരേഷ്

എന്നിവരുടെ നേതൃത്വത്തിലുള്ള സംഘാടക സമിതി രൂപീകരിച്ചു. ജനറൽ കൺവീനർ കെ വി പോൾ, കൺവീനർമാർ വിൽസൻ മേച്ചേരി, വാസുദേവൻ പനമ്പിള്ളി, ടി ജെ ആസാദ് ജോയിന്റ് കൺവീനർമാരായി പി.വി.രമേശൻ, ജോസ് പോൾ തച്ചുപറമ്പിൽ, എസ് ശ്രീകുമാർ എന്നിവരേയും തെരഞ്ഞെടുക്കുകയുണ്ടായി. ഡിസംബർ ഒന്ന് ഞായറാഴ്ച വൈകിട്ട് 4 മണി മുതൽ കലാഭവൻ മണി പാർക്കിലാണ് നടുവം കാവ്യോൽസവം അരങ്ങേറുന്നത്.പൊതുസമ്മേളനം സനീഷ് കുമാർ ജോസഫ് എംഎൽഎ യും കാവ്യോത്സവം കവി സച്ചിദാനന്ദൻ പുഴങ്കരയും ഉദ്ഘാടനം ചെയ്യും. കാവ്യോത്സവത്തിന്റെ ഭാഗമായി നഗരസഭാതി ർത്ഥിയിലുള്ള ഹൈസ്ക്കൂൾ, പ്ലസ് ടു,ഡിഗ്രി, ഐ ടി ഐ, പോളി ടെക്നിക് വിദ്യാർത്ഥികൾക്കായി നവംബർ 25, 26 തിയ്യതികളിൽ കവിതാ രചനയും കവിതാലാപനവും മത്സരാടിസ്ഥാനത്തിൽ നടത്തുന്നതാണ്. മത്സരാർത്ഥികളുടെ പേരുകൾ നവംബർ 22 വൈകിട്ട് 5 ന് മുമ്പ് നഗരസഭാ ഉപാധ്യക്ഷയുടെ ഓഫീസിൽ എത്തിക്കേണ്ടതാണ്.

Tags: