Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
11 May 2024 18:49 IST
Share News :
തലയോലപ്പറമ്പ് : യുവാവിനെ വാക്കത്തി കൊണ്ട് വെട്ടി കൊലപ്പെടുത്താൻ ശ്രമിച്ച കേസിൽ മധ്യവയസ്കനെ പോലീസ് അറസ്റ്റ് ചെയ്തു. ചെമ്പ് ബ്രഹ്മമംഗലം പുതുവൽ വീട്ടിൽ രമേശൻ (56) നെയാണ് തലയോലപ്പറമ്പ് പോലീസ് അറസ്റ്റ് ചെയ്തത്. ഇയാൾ കഴിഞ്ഞദിവസം സന്ധ്യ സമയത്ത് ബ്രഹ്മമംഗലം കല്ലു കുത്താൻ കടവ് ഭാഗത്ത് വെച്ച് സമീപവാസിയായ യുവാവിനെ ചീത്ത വിളിക്കുകയും, കയ്യിൽ കരുതിയിരുന്ന വാക്കത്തി ഉപയോഗിച്ച് വെട്ടി കൊലപ്പെടുത്താൻ ശ്രമിക്കുകയുമായിരുന്നു. ഇയാളുടെ ആക്രമണത്തിൽ യുവാവിന്റെ ഷോൾഡറിന് പരിക്കേൽക്കുകയും ചെയ്തു. ഇയാൾ യുവാവിന്റെ വീടിന് മുൻവശം റോഡിൽ ചട്ടിയിൽ പുകയിടുകയും, രൂക്ഷമായ പുകമൂലം യുവാവ് ഈ ചട്ടി ഇവിടെ നിന്നും എടുത്തു മാറ്റിവയ്ക്കുകയും ചെയ്തിരുന്നു. ഇതിൻ്റെ വിരോധമാണ് ആക്രമണത്തിന് പിന്നിൽ. പരാതിയെ തുടർന്ന് തലയോലപ്പറമ്പ് പോലീസ് കേസ് രജിസ്റ്റർ ചെയ്യുകയും
തലയോലപ്പറമ്പ് സ്റ്റേഷൻ എസ്എച്ച്.ഓ ശിവകുമാർ .റ്റിയുടെ നേതൃത്വത്തിലുള്ള പോലിസ് ഇയാളെ പിടികൂടുകയുമായിരുന്നു.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Follow us on :
Tags:
More in Related News
Please select your location.
