Vaishakha Ekadashi Mahotsavam at Altara Sree Govindapuram Mahavishnu Temple

പുന്നയൂർക്കുളം:ആൽത്തറ ശ്രീഗോവിന്ദപുരം മഹാവിഷ്ണു ക്ഷേത്രത്തിൽ വൈശാഖ ഏകാദശി മഹോത്സവം മെയ് 15 മുതൽ 20 വരെ വിപുലമായ ചടങ്ങുകളോടെ ആഘോഷിക്കുമെന്ന് ഭാരവാഹികൾ പുന്നയൂർക്കുളം പ്രസ് ക്ലബിൽ നടന്ന വാർത്താ സമ്മേളനത്തിൽ അറിയിച്ചു.എല്ലാദിവസവും രാവിലെ വിശേഷാൽ പൂജകൾ,നാരായണീയ പാരായണം,കലശാഭിഷേകം,വൈകീട്ട് ദീപാരാധന,നിറമാല,ചുറ്റുവിളക്ക്,വിവിധ കലാപരിപാടികൾ എന്നിവയുണ്ടാകും.15-ന് വൈകീട്ട് ക്ഷേത്രം തന്ത്രി പൊതിയിൽ ചേന്നാസ് ശ്രീഗിരീശൻ നമ്പൂതിരിപ്പാടിൻ്റെ മുഖ്യകാർമ്മികത്വത്തിൽ തൃക്കൊടിയേറ്റ് നടത്തും.18-ന് രാവിലെ 10.30-ന് ഉത്സവ ബലിദർശനം,19-ന് വൈശാഖ ഏകാദശി ദിവസം ദേശപകർച്ച നല്കും.പകർച്ച ആവശ്യമുള്ളവർ 16-ന് മുമ്പ് പേര് രജിസ്റ്റർ ചെയ്യണം.20-ന് രാവിലെ ദ്വാദശി ആറാട്ട്,ആറാട്ട് കടവിൽ ദർശനം,കൊടിക്കൽ പറ,കലശം അഭിഷേകം,വൈകീട്ട്

വിവിധ ആഘോഷ കമ്മറ്റികളുടെ ദേശ പൂരം വരവ്,5.30-ന് കേരളത്തിലെ തലയെടുപ്പുള്ള പത്തിൽ പരം ഗജവീരന്മാർ അണിനിരക്കുന്ന കൂട്ടി എഴുന്നള്ളിപ്പ് എന്നിവ നടക്കും.രാവിലെ 11-നും,വൈകീട്ട് 6.20-നും ആൽത്തറ മേളം,രാത്രി 7 -ന് ഓട്ടോ ഡ്രൈവേഴ്സ് ഒരുക്കുന്ന ഗാനമേള എന്നിവയുണ്ടാകും.ഭാരവാഹികളായ പ്രസിഡന്റ് കെ.ബി.സുകുമാരൻ,സെക്രട്ടറി ശ്യാം പനമുക്കിൽ,ട്രഷറർ എം.ജി.സുരേഷ്,വൈസ് പ്രസിഡന്റ് മുരളീധരൻ പൊലിയത്ത്,ഹരി എഴുത്തുപുരക്കൽ എന്നിവർ വാർത്താ സമ്മേളനത്തിൽ പങ്കെടുത്തു.

Tags:

enlightmedia,malayalamnews,kerala,latestnews