പൊടി ശല്യത്തെ തുടർന്ന് നാട്ടുകാരുടെ പ്രതിഷേധത്തിനെതിരെടിപ്പർ ഡ്രൈവറുടെ ഗുണ്ടായിസം; വാഹനം റോഡിനു കുറുകെ ഇട്ട് പൂട്ടി ഡ്രൈവർ സ്ഥലം വിട്ടു.

14 Jan 2025 16:58 IST

Share News :

Pitcher driver's goondaism against the locals' protest due to dust disturbance; the vehicle was locked across the road and the driver left the spot.

വൈക്കം: വെള്ളൂരിൽ കുന്നിടിച്ച് അനധികൃത മായി വെള്ളൂർ റബർ പാർക്കിലേക്ക് ഭാരവാഹനങ്ങൾ ഉപയോഗിച്ച് മണ്ണടിക്കുമ്പോൾ റോഡ് നനയ്ക്കാത്തതുമൂലം രൂക്ഷമായ പൊടി ശല്യത്തിനെതിരെ നാട്ടുകാർ സംഘടിച്ചു. വെള്ളൂർ ഇറുമ്പയം കല്ലുവേലി ജംഗ്ഷനിൽ വാഹനങ്ങൾ തടഞ്ഞിട്ട് നാട്ടുകാർ പ്രതിഷേധിച്ചപ്പോൾ അതിനെതിരെ ടിപ്പർ ഡ്രൈവർ വാഹനം റോഡിനു കുറുകെ ഇട്ട് ഇരു ചക്ര വാഹനങ്ങൾ പോലും കടന്നുപോകാത്ത തരത്തിൽ ഗതാഗത തടസ്സം സൃഷ്ടിച്ചശേഷം വാഹനം പൂട്ടി ഡ്രൈവർ സ്ഥലം വിട്ടു. ചെറു വാഹനങ്ങൾ പോലും കടന്ന് പോകാനാകാതെ വന്നതോടെ സ്കൂൾ കുട്ടികളുമായി വന്ന വാഹനങ്ങൾ റോഡിൽ കുരുങ്ങി. കോൺഗ്രസ് തലയോലപ്പറമ്പ് ബ്ലോക്ക് വൈസ് പ്രസിഡന്റ് എം.ആർ. ഷാജി, സജി കുര്യാക്കോസ് എന്നിവരുടെ നേതൃത്വത്തിൽ പ്രദേശവാസികൾ സംഘടിച്ചതോടെ സംഭവം സംഘർഷഭരിതമായി. തുടർന്ന് വെള്ളൂർ പോലീസ് സ്ഥലത്തെത്തി വാഹനവും , ഡ്രൈവറേയും കസ്റ്റഡിയിലെടുത്ത് സ്റ്റേഷനിലേക്ക് കൊണ്ടു പോകുകയായിരുന്നു.ടിപ്പർ ഡ്രൈവർ മദ്യപിച്ചിരുന്നതായി നാട്ടുകാർ ആരോപിച്ചു.സംഭവത്തിൽ പോലീസ് കേസെടുത്തു. ഈ പ്രദേശത്ത് അതിരൂക്ഷമായ പൊടി മലിനീകരണമാണ് അനുഭവപ്പെടുന്നതെന്നും , ഇതിന് ശാശ്വത പരിഹാരം ഉണ്ടായില്ലെങ്കിൽ ശക്തമായി പ്രതിരോധിക്കുമെന്ന് പ്രദേശവാസികൾ പറഞ്ഞു.

Tags:

പൊടി ശല്യത്തെ തുടർന്ന് നാട്ടുകാരുടെ പ്രതിഷേധത്തിനെതിരെടിപ്പർ ഡ്രൈവറുടെ ഗുണ്ടായിസം; വാഹനം റോഡിനു കുറുകെ ഇട്ട് പൂട്ടി ഡ്രൈവർ സ്ഥലം വിട്ടു.

More in Related News