Mannam Renaissance Surya Mahasangham; Annual General Meeting and Family Mela was organized in Enadi Karaikal.

ചെമ്പ്: സമുദായ സംഘടനാ പ്രവർത്തനം രാഷ്ട്ര സേവനമാക്കി മാറ്റിയ ക്രാന്തദർശിയായിരുന്നു മന്നത്ത് പത്മനാഭനെന്ന് വൈക്കം താലൂക്ക് എൻ എസ് എസ് യൂണിയൻ കമ്മറ്റി അംഗം എൻ.മധു അഭിപ്രായപ്പെട്ടു. സെപ്തംബർ 13 ന് വൈക്കത്ത് നടക്കുന്ന മന്നം നവോത്ഥാന സൂര്യൻ മഹാസംഗമത്തിൻ്റെ ഭാഗമായി

ഏനാദി 1301 -ാം നമ്പർ എൻ എസ് എസ്

കരയോഗത്തിൻ്റെ നേതൃത്വത്തിൽ സംഘടിപ്പിച്ച വാർഷിക പൊതുയോഗവും കുടുംബമേളയും ഉദ്ഘാടനം ചെയ്യുകയായിരുന്നു അദ്ദേഹം. കരയോഗം പ്രസിഡൻ്റ് വി.സി രവികുമാർ അധ്യക്ഷത വഹിച്ചു.യൂണിയൻ ആദ്ധ്യാത്മിക വിഭാഗം കോർഡിനേറ്റർ പി.എൻ രാധാകൃഷ്ണൻ മുഖ്യപ്രഭാഷണം നടത്തി. ചെമ്പ് മേഖലാ ചെയർമാൻ എസ്. ജയപ്രകാശ്, യൂണിയൻ കമ്മറ്റി അംഗങ്ങളായ പി.എസ് വേണുഗോപാൽ, പി.ജി പ്രദീപ്, പ്രതിനിധിസഭാഗം ബി.അനിൽകുമാർ,

കരയോഗം സെക്രട്ടറി എൻ വേണുഗോപാൽ തുടങ്ങിയവർ പ്രസംഗിച്ചു. എസ് എസ് എൽ സി, പ്ലസ് ടു, എൻ.എസ്.എസ്, സി. എ

പരീക്ഷകളിൽ ഉന്നത വിജയം കൈവരിച്ച വരെയും മുൻ സൈനികരെയും വനിതാ സംരംഭകയെയും ചടങ്ങിൽ ആദരിച്ചു. ഓഗസ്റ്റ് 29 ന് ഉച്ചയ്ക്ക് 12ന് മന്നത്തിൻ്റെ ഛായ ചിത്രം വഹിച്ചുകൊണ്ടുള്ള വിളംബര ജാഥയ്ക്ക് ഏനാദിയിൽ സ്വീകരണം നൽകുന്നതിനും വൈക്കത്ത് നടക്കുന്ന മഹാസമ്മേളനത്തിൽ കരയോഗത്തിലെ മുഴുവൻ അംഗങ്ങളെയും പങ്കെടുപ്പിക്കുന്നതിനും പൊതുയോഗം തീരുമാനിച്ചു. തുടർന്ന് അംഗങ്ങൾ അവതരിപ്പിച്ച വിവിധ കലാപരിപാടികളും

നടന്നു.