League very excited: Chief Minister Pinarayi Vijayan

കോട്ടയം: ലീഗിന് വല്ലാത്ത ആർത്തിയെന്ന് മുഖ്യമന്ത്രി പിണറായി വിജയൻ. സിപിഎം കോട്ടയം ജില്ലാ സമ്മേളനം സമാപന സമ്മേളനം പാമ്പാടിയിൽ ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.

മുസ്ലിം ലീഗ്, എസ്ഡിപിഐയോടും ജമാത്തെ ഇസ്ലാമിനോടും അടുക്കുകയാണ്. നാല് വോട്ടും ചില്ലറ സീറ്റുമാണ് ഇതിൽ ലീഗിൻ്റെ നിലപാടെന്നും മുഖ്യമന്ത്രി ആരോപിച്ചു. എങ്ങനെ എങ്കിലും കുറച്ചു കൂടുതൽ സീറ്റ് പിടിക്കാനുള്ള ആർത്തിയാണ് ഈ ശ്രമത്തിന് പിന്നിൽ. കോൺഗ്രസ് അതിനു കൂട്ട് നിൽക്കുകയാണെന്നും, ഇതിലൂടെ ഒരു വർഗീയത മറ്റൊരു വർഗീയതയെ പ്രോത്സാഹിപ്പിക്കുകയാണെന്നും മുഖ്യമന്ത്രി പറഞ്ഞു. ഭൂരിപക്ഷ വർഗീയത പോലെ ന്യൂനപക്ഷ വർഗീയതയ്ക്കും തയ്യാറാകുന്നത് ആത്മഹത്യാപരമാണ്. ന്യൂനപക്ഷ വർഗീയതും ഭൂരിപക്ഷ വർഗീയതയും നാടിന് ആപത്താണ്.

ഭരണം ജനങ്ങളുടെ അഭിവൃദ്ധിക്കായിരിക്കണം. ഏറ്റവും മികച്ച ജനാധിപത്യ പാർട്ടിയാണ് സിപിഎം. എന്നാൽ ജനാധിപത്യ പാർട്ടി എന്ന് എപ്പോഴും പറയുന്നവരുടെ പാർട്ടിയിൽ യാതൊരു ജനാധിപത്യവും നടപ്പിലാക്കുന്നില്ലെന്നും അദ്ദേഹം ആരോപിച്ചു. ഭരണം ജനങ്ങളുടെ അഭിവൃദ്ധിക്കായിരിക്കണം. സ്വന്തം അഭിവൃദ്ധിക്കായിരിക്കായി നേട്ടത്തോടെ പ്രവർത്തിക്കരുത്. യുഡിഎഫ് ഭരണത്തിൽ അതാണ് സംഭവിച്ചതെന്നും അദ്ദേഹം പറഞ്ഞു. ബിജെപിയുടെ മുഖം തിരിച്ചറിയാത്തവരല്ല നമുടെ നാട്ടിൽ ഉള്ളവരെന്നും പിണറായി പറഞ്ഞു.

റെഡ് വോളണ്ടിയർ മാർച്ചോടിയാണ് സമാപന സമ്മേളനം നടന്നത്. വിവിധ ഏരിയ കമ്മറ്റികളിൽനിന്നുള്ള നൂറുകണക്കിന് പ്രതിനിധികൾ സമാപന സമ്മേളനത്തിൽ പങ്കെടുത്തു.