KNM State Jana. Secretary M Mohammed Madani passes away

കോഴിക്കോട് : കേരള ജംഇയ്യത്തുൽ ഉലമ സംസ്ഥാന പ്രസിഡണ്ടും കേരള നദ്‌ വത്തുൽ മുജാഹിദീൻ സംസ്ഥാന ജനറൽ സെക്രട്ടറിയുമായ എം മുഹമ്മദ്‌ മദനി അന്തരിച്ചു. കോഴിക്കോട്: മുജാഹിദ് പണ്ഡിത സഭയായ കേരള ജംഇയ്യത്തുൽ ഉലമയുടെ സംസ്ഥാന പ്രസിഡണ്ടും കേരള നദ് വ

ത്തുൽ മുജാഹിദീൻ സംസ്ഥാന ജനറൽ സെക്രട്ടറിയുമായ എം. മുഹമ്മദ് മദനി (79) അന്തരിച്ചു. ഏതാനും ദിവസങ്ങളായി അസുഖബാധിതനായി കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്ന അദ്ദേഹം ഇന്ന് രാത്രി അല്പ സമയം മുൻപാണ് മരണപ്പെട്ടത്.

കോഴിക്കോട് കൊടിയത്തൂർ സ്വദേശിയാണ്.

2002 മുതൽ 2020 വരെ കെ.ജെ.യു ജനറൽ സെക്രട്ടറിയായിരുന്ന അദ്ദേഹം, 2020 മുതൽ സംസ്ഥാന അധ്യക്ഷനായി പ്രവർത്തിക്കുകയായിരുന്നു. ഇതോടൊപ്പം കെ.എൻ. എം സംസ്ഥാന ജനറൽ സെക്രട്ടറി പദവും വഹിക്കുന്നുണ്ട്.

കേരള ഹിലാൽ കമ്മിറ്റി ചെയർമാനുമാണ്.

പുളിക്കൽ മദീനത്തുൽ ഉലും അറബിക് കോളെജ് പ്രിൻസിപ്പാളായാണ് ഔദ്യോഗിക ജീവിതത്തിൽ നിന്നദ്ദേഹം വിരമിച്ചത്. മദീനത്തുൽ ഉലൂമിൽ നിന്നു തന്നെ അഫ്ദലുൽ ഉലമ അടക്കമുള്ള മതപഠനം പൂർത്തിയാക്കിയ അദ്ദേഹം അവിടെ തന്നെ അധ്യാപകനായി ചേരുകയായിരുന്നു.

പിന്നീട് സ്കൂൾ അധ്യാപകനായി പോയി. ശേഷം അരീക്കോട് സുല്ലമുസ സലാം അറബിക് കോളെജിലും ലക്ചററായി പ്രവർത്തിച്ചു.

എടവണ്ണ ജാമിഅ നദ്‌വിയ്യയിലും പ്രിൻസിപ്പൽ ആയി ജോലി ചെയ്തു.

പിന്നീട് മദീനത്തുൽ ഉലൂമിലേക്ക് തന്നെ ലക്ചററായി തിരിച്ചു വന്നതും അവിടെ നിന്ന് വിരമിക്കുന്നതും.

മുജാഹിദ് യുവജന വിഭാഗമായ ഐ.എസ്.എമ്മിന്റെ സ്റ്റേറ്റ് ജനറൽ സെക്രട്ടറിയായിരുന്നു. വലീയങ്ങാടി ഖലീഫ മസ്ജിദ്, മലാപ്പറമ്പ് ഇബ്റാ മസ്ജിദ് എന്നിവിടങ്ങളിൽ ഖത്വീബുമായി പ്രവർത്തിച്ചിട്ടുണ്ട്.

ജനാസ നമസ്കാരം വെള്ളിയാഴ്ച വൈകുന്നേരം 4.30 ന് സൗത്ത് കൊടിയത്തൂർ മസ്ജിദുൽ മുജാഹിദീൻ ഗ്രൗണ്ടിൽ നടക്കും.

ഭാര്യ നഫീസ (ഓമശ്ശേരി )മക്കൾ : എം ഷബീർ (കൊളത്തറ സി ഐ സി എസ് അദ്ധ്യാപകൻ )ഫവാസ് (ചെറുതുരുത്തി ഗവണ്മെന്റ് ഹൈസ്കൂൾ )ബുഷ്‌റ (ചെറുവടി )ഷമീറ ( കോഴിക്കോട് )ഷംലത് (ഗ്രീൻ വാലി പബ്ലിക് സ്കൂൾ മുക്കം ) ഷമീല ( ഇമ്പിച്ചി ഹാജി ഹൈസ്കൂൾ ചാലിയം )ഫസ്‌ല (ആരാമ്പ്രം ) മരുമക്കൾ : പി വി അബ്ദുള്ള (ചെറുവാടി,) ,പി പി ഹാരിസ് (കോഴിക്കോട് ),അബ്ദുൽ ഖാദർ (കടവനാട് ),കെ സി അബ്ദുറബ്ബ് (തിരുത്തിയാട് ),പി പി അബ്ദുസ്സമദ് (ആരാമ്പ്രം ),മനാർ (കടലുണ്ടി നഗരം ) |തസ്‌നി (പൊക്കുന്ന് ) ഡീപ്സീക് തീർത്ത വിപ്ലവം