Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
30 Jan 2025 18:35 IST
Share News :
തൊടുപുഴ: ലോകത്തിലെ ഏറ്റവും വലിയ യൂണിഫോം യുവജന സംഘടനയായ എന്‍.സി.സി ദേശീയ തലത്തിലെ മികച്ച ഓഫീസര്‍മാര്‍ക്ക് നല്‍കി വരുന്ന ഡയറക്ടര്‍ ജനറല്‍ കമന്റഡേഷന് തൊടുപുഴ ന്യൂമാന്‍ കോളജിലെ എന്‍.സി.സി ഓഫീസറും കൊമേഴ്സ് വിഭാഗം മേധാവിയുമായ ക്യാപ്റ്റന്‍ പ്രജീഷ് സി. മാത്യു തെരഞ്ഞെടുക്കപ്പെട്ടു.ഡല്‍ഹിയില്‍ നടന്ന ചടങ്ങില്‍ എന്‍.സി.സി ദേശീയ തലവന്‍ ലഫ്. ജനറല്‍ ഗുര്‍ബിര്‍പാല്‍ സിങ് പുരസ്‌കാരം സമ്മാനിച്ചു. കേരളത്തില്‍ നിന്ന് ആദ്യമായി ഒരു എന്‍.സി.സി ബാന്‍ഡ് ടീം റിപ്പബ്ലിക്ദിന ക്യാമ്പിലേക്ക് ഈ വര്‍ഷം തെരഞ്ഞെടുക്കപ്പെട്ടത് ക്യാപ്റ്റന്‍ പ്രജീഷിന്റെ നേതൃത്വത്തിലാണ്. കമന്റേഷന് പുറമെ മികച്ച എന്‍.സി.സി ബാന്‍ഡ് പരിശീലകനുള്ള ട്രോഫി കൂടി ലഭിച്ചു. 2013 ല്‍ ലെഫ്റ്റനെന്റ് ആയി കമ്മീഷന്‍ ചെയ്ത ഓഫീസറുടെ ചിട്ടയായ പരിശീലനത്തിന് കീഴില്‍ ന്യൂമാന്‍ കോളജ് രണ്ടു പ്രാവിശ്യം കേരളത്തിലെ മികച്ച എന്‍.സി.സി സ്ഥാപനത്തിനുള്ള അവാര്‍ഡ് കരസ്ഥമാക്കിയിട്ടുണ്ട്. മികച്ച മിലിറ്ററി പരിശീലനത്തിന് പുറമെ സമൂഹിക പ്രസക്തിയുള്ള നിരവധി സംരഭങ്ങള്‍ ആണ് ന്യൂമാന്‍ എന്‍.സി.സി യെ വ്യത്യസ്തമാക്കുന്നത്. എന്‍.സി.സി ക്ക് വേണ്ടിയുള്ള സമഗ്രമായ പ്രവര്‍ത്തനങ്ങള്‍ക്ക് പുറമെ ഈ വര്‍ഷത്തെ റിപ്പബ്ലിക് ദിനാചരണത്തിലെ എന്‍.സി.സി യുടെ കര്‍മ പദ്ധതികള്‍ക്ക് നല്‍കിയ സംഭാവന കൂടി പരിഗണിച്ചാണ് അവാര്‍ഡ് ലഭിച്ചത്. പെരുമ്പിള്ളിച്ചിറ ചിമ്മിനിക്കാട്ട് മാത്യു- ആലീസ് ദമ്പതികളുടെ മകനായ പ്രജീഷ് മാത്യുവിന്റെ ഭാര്യ കരിമണ്ണൂര്‍ സെന്റ് ജോസഫ്‌സ് സ്‌കൂളിലെ രസതന്ത്ര അധ്യാപിക സീന മോള്‍ സ്‌കറിയ ആണ്. ക്യാപ്റ്റന്‍ പ്രജീഷിനെ കോളജ് രക്ഷാധികാരി മാര്‍ ജോര്‍ജ് മഠത്തിക്കണ്ടത്തില്‍, എന്‍.സി.സി കോട്ടയം ഗ്രൂപ്പ് കമാന്‍ഡര്‍ ബ്രിഗേഡിയര്‍ ജി. വി.എസ് റെഡ്ഢി, 18 കേരള ബറ്റാലിയന്‍ കമാന്‍ഡിങ് ഓഫീസര്‍ കേണല്‍ പ്രശാന്ത് നായര്‍, അഡ്മിനിസ്‌ട്രേറ്റീവ് ഓഫീസര്‍ ലഫ്. കേണല്‍ അനിരുദ്ധ് സിംഗ്, കോളേജ് മാനേജര്‍ മോണ്‍. ഡോ. പയസ് മലേക്കണ്ടതില്‍, ഹയര്‍ എഡ്യൂക്കേഷന്‍ സെക്രട്ടറി. റവ.ഡോ. പോള്‍ പാറത്താഴം, പ്രിന്‍സിപ്പല്‍ ഡോ. ജെന്നി കെ. അലക്‌സ്, വൈസ് പ്രിന്‍സിപ്പല്‍മാരായ ഡോ. സാജു അബ്രഹാം, പ്രഫ.ബിജു പീറ്റര്‍, കോളജ് ബര്‍സാര്‍ ഫാ. ബെന്‍സണ്‍ എന്‍. ആന്റണി എന്നിവര്‍ അഭിനന്ദിച്ചു.
Follow us on :
More in Related News
Please select your location.
.jpeg)
.jpg)
2.jpeg)
