Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
19 Jan 2025 19:30 IST
Share News :
കടുത്തുരുത്തി; കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയില്‍ തിരുകുടുംബത്തിന്റെ ദര്‍ശനതിരുനാള്‍ സമാപിച്ചു. പ്രധാന തിരുനാള്‍ ദിനമായ ഇന്ന് (ഞായറാഴ്ച്ച) നടന്ന പ്രദക്ഷിണം ഭക്തിസാന്ദ്രമായി. രാവിലെ 9.30 ന് ആരംഭിച്ച തിരുനാള്‍റാസയെ തുടര്‍ന്ന് അടുത്ത വര്‍ഷത്തേക്കുള്ള പ്രസുദേന്തി വാഴ്ച്ച നടന്നു. തുടര്‍ന്ന് പ്രദക്ഷിണം ആരംഭിച്ചു. പള്ളിചുറ്റി നടന്ന പ്രദക്ഷിണത്തില്‍ മുമ്പില്‍ കാവല്‍മാലാഖയുടെ തിരുസ്വരൂപവും തുടര്‍ന്ന് വിശുദ്ധരുടെയും പുണ്യവാന്മാരുടെയും തിരുസ്വരൂപങ്ങള്‍ വഹിച്ചുക്കൊണ്ടുനടന്ന പ്രദക്ഷിണത്തില്‍ ഒടുവിലായി പരിശുദ്ധ ദൈവമാതാവിന്റെയും ഏറ്റവും പിന്നിലായി തിരുകുടുംബത്തിന്റെയും തിരുസ്വരൂപങ്ങള്‍ വിശ്വാസികള്‍ വഹിച്ചു. സ്ഥാനവസ്ത്രങ്ങളണിഞ്ഞ ദര്‍ശന സമൂഹം പ്രദക്ഷിണത്തില്‍ പങ്കെടുത്തു. തിരുനാള്‍ റാസയ്ക്കു ഫാ.അഗസ്റ്റിന്‍ കണ്ടത്തികുടുലില്‍ കാര്‍മികത്വം വഹിച്ചു. റവ.ഡോ. ജേക്കബ് താന്നിക്കാപ്പാറ തിരുനാള്‍ സന്ദേശം നല്‍കി. വൈകൂന്നേരം അഞ്ചിന് നടന്ന വിശുദ്ധ കുര്‍ബാനയെ തുടര്‍ന്ന് സ്ലീവാവവന്ദനം ആരംഭിച്ചു. താഴത്തുപള്ളിയില്‍ ദര്‍ശന തിരുനാളിനോടുനുബന്ധിച്ചു നടക്കുന്ന പ്രത്യേക പ്രാര്‍ത്ഥനയാണ് സ്ലീവാവന്ദനവും റംശാ പ്രാര്‍ത്ഥനയും. ആര്‍ച്ച് ബിഷപ്പ് മാര്‍ തോമസ് തറയില്‍ മുഖ്യകകാര്‍മികത്വം വഹിച്ച തിരുകര്‍മങ്ങളില്‍ ബിഷപ്പ് മാര്‍ ജേക്കബ് അങ്ങാടിയത്ത്, ഫൊറോനാ വികാരി ഫാ.മാത്യു ചന്ദ്രന്‍കുന്നേല്‍, സമീപ ഇടവകകളിലെ ഉള്‍പെടെ അമ്പതോളം വൈദീകരും ഇടവക സമൂഹം ഉള്‍പെടെയുള്ള വിശ്വാസികളും പങ്കെടുത്തു. തുടര്‍ന്ന് ആര്‍ച്ച് ബിഷപ്പ് മാര്‍ തോമസ് തറയില്‍ തിരുനാള്‍ സന്ദേശം നല്‍കി. തിരുനാള്‍ സ്മരണികയുടെ സമര്‍പണവും ആര്‍ച്ച് ബിഷപ്പ് നിര്‍വഹിച്ചു. മെഗാഷോയും നടന്നു. സമാപനദിനമായ ഇന്ന് മരിച്ചവരുടെ ഓര്‍മദിനത്തില്‍ രാവിലെ ആറിന് പഴയപള്ളിയില്‍ വിശുദ്ധ കുര്‍ബാന, തുടര്‍ന്ന് സിമിത്തേരി സന്ദര്‍ശനം, 7.30 ന് പുതിയ പള്ളിയില്‍ വിശുദ്ധ കുര്‍ബാന.
Follow us on :
Tags:
More in Related News
Please select your location.
8.jpeg)
16.jpeg)
4.jpeg)
