പ്രിന്റ മീഡിയയെ സംരക്ഷിക്കേണ്ടത് പ്രബുദ്ധമായ സമൂഹത്തിന്റെ ബാധ്യത-എൻ.പി.എ.എ സംസ്ഥാന സമ്മേളനം

ന്യൂസ് പേപ്പർ ഏജന്റ്സ് അസോസിയേഷൻ സംസ്ഥാന സമ്മേളനത്തിൽ അഹമ്മദ് ദേവർ കോവിൽ എം.എൽ.എ മുഖ്യാതിഥിയായി സംസാരിക്കുന്നു

കോഴിക്കോട്-കേരളീയ പൊതു സമൂഹത്തെ ജനാധിപത്യ, സാമൂഹിക, സാംസ്കാരിക ബോധമുള്ളവരാക്കി നിലനിർത്തിയതിൽ ദിനപത്രങ്ങൾ നിർവ്വഹിച്ച പങ്ക് നിസ്തുലമാണെന്നും സാമൂഹ്യ മാധ്യമങ്ങളുടെ കാലത്തും ദിനപത്രങ്ങളുടെ മൂല്യങ്ങൾ തകരാതെ സംരക്ഷിക്കേണ്ടതുണ്ടെന്നും പ്രമുഖ മാധ്യമ പ്രവർത്തകൻ വിനു വി ജോസ് പറഞ്ഞു. ന്യൂസ് പേപ്പർ ഏജന്റ്സ് അസോസിയേഷൻ സംസ്ഥാന സമ്മേളനം കോഴിക്കോട് മുതലക്കുളം മൈതാനിയിൽ ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന പ്രസിഡന്റ് പി.കെ സത്താർ അധ്യക്ഷത വഹിച്ചു. അനൗപചാരിക വിദ്യാഭ്യാസത്തിൻ്റെ ഗേറ്റ് വേ ആയിരുന്നു പഴയ തലമുറക്ക് ദിനപത്രങ്ങളുടെ വായനയെന്നും പുതു തലമുറ  ആ നല്ല ശീലം ഉപേക്ഷിച്ചിരിക്കുന്നത് കാരണം വിദ്യാർത്ഥികളിൽ പോലും പൊതു വിജ്ഞാനം നന്നേ കുറയാൻ കാരണമായെന്നും മുഖ്യാതിഥിയായി സംസാരിച്ച മുൻമന്ത്രി അഹമ്മദ് ദേവർ കോവിൽ എം.എൽ.എ പറഞ്ഞു. സമ്മേളന

ലോഗോ ഡിസൈനിംങ് മത്സര വിജയിക്കുള്ള അവാർഡ് ദാനം കോഴിക്കോട് മേയർ ഡോ. ബീന ഫിലിപ്പ് നിർവ്വഹിച്ചു. എൻ.പി.എ എ ദേശീയ വൈസ് പ്രസിഡന്റ് ഭഗവത് നാരായണൻ ചൗരസ്യ മുഖ്യ പ്രഭാഷണം നടത്തി. പത്ര പ്രവർത്തക യൂണിയൻ സംസ്ഥാന പ്രസിഡന്റ് കമാൽ വരദൂർ , കോഴിക്കോട് കോർപറേഷൻ അംഗം നവ്യ ഹരിദാസ്, കർണ്ണാടക പത്രവിതരണ കൂട്ടായ്മ സംഘം പ്രിസിഡന്റ്  ശംഭുലിംഗ , നിസരി സൈനുദ്ദീൻ, ഒ.സി ഹനീഫ, സി.പി അബ്ദുൽ വഹാബ് എന്നിവർ പ്രസംഗിച്ചു.

പത്ര ഏജന്റായി ദീർഘകാലം സേവനം ചെയ്തവരെ ചടങ്ങിൽ ആദരിച്ചു. സംസ്ഥാന ജനറൽ സിക്രട്ടറി ചേക്കുട്ടി കരിപ്പൂർ സ്വാഗതവും ട്രഷറർ പി.വി അജീഷ് നന്ദിയും പറഞ്ഞു. തുടർന്ന് സാംസ്കാരിക പരിപാടികൾ നടന്നു.

പത്ര വായനക്ക് ഗ്രേസ് മാർക്ക് നൽകാനുള്ള സർക്കാർ തീരുമാനത്തെ സ്വാഗതം ചെയ്യുന്നതായും പത്ര ഏജൻ്റുമാർക്ക് ക്ഷേമനിധി ഏർപ്പെടുത്തണമെന്നും സമ്മേളനം അംഗീകരിച്ച പ്രമേയത്തിൽ പറഞ്ഞു.

നേരത്തെ സംഘടനയുടെ കരുത്തു കാട്ടുന്ന റാലിയിൽ സംസ്ഥാനത്തിന്റെ വിവിധ ജില്ലയിൽ നിന്നുള്ള ഏജന്റുമാരും കുടുംബാംഗങ്ങളും പങ്കെടുത്തു. വിവിധ കലാ പരിപാടികൾ റാലിയെ ആകർഷകമാക്കി. അരയിടത്തു പാലത്തുനിന്നും ആരംഭിച്ച് സമ്മേളന നഗരിയായ മുതലക്കുള്ളത്ത് സമാപിച്ച പ്രകടനത്തിന് ന്യൂസ് പേപ്പർ ഏജന്റ്സ് അസോസിയേഷൻ

സംസ്ഥാന നേതാക്കളായ പി.കെ സത്താർ, ചേക്കുട്ടി കരിപ്പൂർ, പി.വി അജീഷ്, സി.പി അബ്ദുൽ വഹാബ്, സലീം രണ്ടത്താണി, രാമചന്ദ്രൻ നായർ, ടി.പി. ജനാർദൻ , ബാബു വർഗീസ്, അരുൺ നായർ, എം ഉണ്ണി കൃഷ്ണൻ നായർ, കെ.എ യാക്കൂബ് , എന്നിവർ നേതൃത്വം നൽകി.