Indian Social Association organizes family gathering

ഇന്ത്യൻ സോഷ്യൽ അസോസിയേഷൻ കുടുംബ സംഗമം സംഘടിപ്പിച്ചു

30 Apr 2024 21:24 IST

Share News :

Indian Social Association organizes family gathering

സലാല: തുംറൈറ്റ് ഇന്ത്യൻ സോഷ്യൽ അസോസിയേഷൻ (ടിസ) കുടുംബ സംഗമം സംഘടിപ്പിച്ചു. തുംറൈറ്റ് കമ്മ്യൂണിറ്റി ഹാളിൽ പ്രസിഡണ്ട് റസ്സൽ മുഹമ്മദ് ഉദ്ഘാടനം ചെയ്തു. സോഷ്യൽ മീഡിയയും കുടുംബാരോഗ്യവും എന്ന വിഷയത്തിൽ ഡോക്ടർ നിസ്താർ ക്ലാസ്സെടുത്തു. പ്രസാദ് സി വിജയൻ ഒരു ഹൃസ്വചിത്രത്തിൻ്റെ പിറവി എന്ന വിഷയത്തിൽ ഷോർട്ട് ഫിലിമിന്റെ നിർമ്മാണത്തിന്റെ വിവിധ ഘട്ടങ്ങളെക്കുറിച്ചു സംസാരിക്കുകയും ടിസ കുടുംബാംഗങ്ങളെ ഉൾപ്പെടുത്തി എടുത്ത ഷോർട്ട് ഫിലിം പ്രദർശിപ്പിക്കുകയും ചെയ്തു.

ചടങ്ങിൽ സാമൂഹ്യ പ്രവർത്തകരായ വിജു പ്രസാദിനെയും, ഷമീജ് ഗുരുക്കളെയും ആദരിച്ചു. നാട്ടിലേക്ക് തിരിക്കുന്ന ടിസ വനിതാ വിഭാഗം കൺവീനർ സജിനി ഷാജീവിനുള്ള മെമന്റോ പ്രസിഡന്റ് ഷജീർ ഖാനും, സെക്രട്ടറി ബൈജു തോമസും ചേർന്ന് നൽകി. ഇന്ത്യൻ സ്കൂൾ ഹെഡ് മിസ്ട്രസ് രേഖ പ്രശാന്ത് സംസാരിച്ചു.

ടിസ കുടുംബാംഗങ്ങളുടെയും കുട്ടികളുടെയും വിവിധ കലാപരിപാടികൾ അരങ്ങേറി. വോയിസ് ഓഫ് സലാലയിലെ ഗായകർ അവതരിപ്പിച്ച കരോക്കെ ഗാനമേള പരിപാടിയുടെ മാറ്റുകൂട്ടി. ഷജീർ ഖാൻ അദ്യക്ഷത വഹിച്ച ചടങ്ങിൽ അബ്ദുൽ സലാം സ്വാഗതവും, ബിനു പിള്ള നന്ദിയും പറഞ്ഞു. പ്രശാന്ത് വൈക്കത്ത്, ഷാജി പി പി ജോൺ, പുരുഷോത്തമൻ, അനുരാജ് തുടങ്ങിയവർ നേതൃത്വം നൽകി. ഇർഫാന സലാം അവതാരികയായിരുന്നു

Tags: