റേഷൻ വ്യാപാരികളോടുള്ള അവഗണന; കേരളപ്പിറവി ദിനത്തിൽ വ്യാപാരികൾ വൈക്കം താലൂക്ക് സപ്ലൈ ആഫീസിന് മുൻപിൽ ധർണ്ണാ സമരം നടത്തും.

29 Oct 2025 16:42 IST

Share News :

Ignorance of ration merchants; Traders will hold a dharna in front of Vaikom Taluk Supply Office on Kerala Piravi Day.

വൈക്കം: കേരളപ്പിറവി ദിനമായ നവംബർ 1ന് റേഷൻ വ്യാപാരികൾ വൈക്കം താലൂക്ക് സപ്ലൈ ഓഫീസ് പടിക്കലേയ്ക്ക് മാർച്ചും, ധർണ്ണയും നടത്തും. വൈക്കം താലൂക്ക് കോ-ഓർഡിനേഷൻ കമ്മറ്റിയുടെ നേതൃത്വത്തിലാണ് പ്രതിഷേധ സമരം സംഘടിപ്പിക്കുന്നത്.

2018 ൽ താൽക്കാലികമായി നിശ്ചയിച്ച വേതന പാക്കേജ് കാലോചിതമായി പരിഷ്ക്കരിച്ച് നടപ്പിലാക്കുക, KTPDS ലെ അപാകതകൾ പരിഹരിക്കുക,70 വയസ് കഴിഞ്ഞ ലൈസൻസികളുടെ ലൈസൻസ് നിലനിർത്തുക, താൽക്കാലിക ലൈസൻസികളെ സ്ഥിരപ്പെടുത്തുക, റേഷൻ വ്യാപാരി ക്ഷേമനിധിയിൽ സർക്കാർ വിഹിതം ഉറപ്പു വരുത്തുക, ഹൈകോടതി വിധിപ്രകാരം വാതിൽപടിയിൽ മണ്ണെണ്ണ വിതരണം ചെയ്യുക, ഉദ്യോഗസ്ഥ പീഢനം അവസാനിപ്പിക്കുക, തുടങ്ങിയ ആവശ്യങ്ങൾ നടപ്പിലാക്കാത്തതിൽ പ്രതിക്ഷേധിച്ച് സംസ്ഥാന വ്യാപകമായി നടത്തുന്ന ധർണ്ണാ സമരത്തിൻ്റെ ഭാഗമായിട്ടാണ് പ്രതിഷേധ പരിപാടി. താലൂക്ക് പ്രസിഡൻ്റ് ഐ ജോർജ്ജ് കുട്ടിയുടെ അദ്ധ്യക്ഷതയിൽ കൂടിയ ആലോചനാ യോഗം സംസ്ഥാന സെക്രട്ടറി വി. ജോസഫ് ഉദ്ഘാടനം ചെയ്തു. ജില്ലാ വൈസ് പ്രസിഡൻ്റ് അജീഷ്.പി നായർ , ജില്ലാ ഓർഗനൈസിംഗ് സെക്രട്ടറി കെ. ഡി വിജയൻ, ജില്ലാ ജോയിൻ്റ് സെകട്ടറി എൻ.ജെ ഷാജി, വൈസ് പ്രസിഡൻ്റ് ജിൻഷോ ലൂക്കോസ്, സെക്രട്ടറി എസ്.എൻ ബിനേഷ് കുമാർ , ട്രഷറർ ജോർജ് ജോൺ തുടങ്ങിയവർ പ്രസംഗിച്ചു.