For the first time at Chalakudy 'Agri Business Expo 2024,

ചാലക്കുടി: കേരള കാർഷിക സർവകലാശാലയും കൃഷി വകുപ്പും സംയുക്തമായി ചാലക്കുടി അഗ്രോണമിക് റിസർച്ച് സ്റ്റേഷനിൽ

അഗ്രി ബിസിനസ് എക്സ്പോ ഒരുക്കുന്നു.

മൂന്നു ദിവസങ്ങളിലായി നടത്തുന്ന എക്സിബിഷൻ ഡിസംബർ 13- ന് ആരംഭിക്കുന്നതാണ്. രാവിലെ 10 മണി മുതൽ സെമിനാറുകൾ അടക്കമുള്ള പരിപാടികൾക്ക്തുടക്കമാകും.തുടർന്ന് ഉച്ചകഴിഞ്ഞ്മൂന്നിന് മന്ത്രി പി. പ്രസാദ് കാർഷികമേള ഉദ്ഘാടനം ചെയ്യും. ഡോ. പി. രാജശേഖരൻ മുഖ്യാതിഥിയാകും. ശനിയാഴ്ച രാവിലെ 10-ന് പേറ്റൻ്റ് ജൈവ ഫെർട്ടിഗേഷൻ യൂണിറ്റിൻ്റെ ഉദ്ഘാടനവും ആദ്യവിൽപ്പനയും മന്ത്രി കെ. രാജൻ നിർവഹിക്കും. തുടർന്ന് സെമിനാർ . ഡിസംബർ 15-ന് രാവിലെ 10 മുതൽ സെമിനാർ നടക്കും. സമാപനസമ്മേളനം 15-ന് ഉച്ചയ്ക്ക് 3-ന് മുൻ ആഭ്യന്തരമന്ത്രി രമേശ് ചെന്നിത്തല ഉദ്ഘാടനം നിർവഹിക്കും. മൂന്നു ദിവസങ്ങളിലായി ഇത്രയും വിപുലമായി ഒരു എക്സ്പോ ചാലക്കുടിയിൽ ആദ്യമായാണ് നടക്കുന്നതെന്ന് സനീഷ് കുമാർ ജോസഫ് എം എൽ എ, മുനിസിപ്പൽ ചെയർമാൻ എബി ജോർജ്, ബ്ലോക്ക് പഞ്ചായത്ത് പ്രസിഡൻ്റ് വേണു കണ്ടരുമഠത്തിൽ, പ്രിൻസിപ്പൽ കൃഷി ഓഫീസർ എം.പി. അനൂപ്, അഗ്രോണിമിക് റിസർച്ച് സ്റ്റേഷൻ ഹെഡ് ഡോ. മിനി എബ്രഹാം എന്നിവർ മാധ്യമസമ്മേളനത്തിൽ പറഞ്ഞു.

Tags: