Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
30 Oct 2024 12:50 IST
Share News :
ചെറുതോണി: വീട്ട് പരിസരത്ത് മോഷണം പതിവായതോടെ വീടിന് ചുറ്റും സി.സി.ടി.വി കാമറ സ്ഥാപിച്ചെങ്കിലും ദിവസങ്ങള്‍ക്കകം കാമറയും മോഷ്ടിക്കപ്പെട്ടു. ഭൂമിയാംകുളം മൈലംപറമ്പില്‍ അനീഷിന്റെ സി സി കാമറയാണ് മോഷ്ടിച്ചത്. മാസങ്ങള്‍ക്ക് മുമ്പ് അനീഷിന്റെ വീട്ട്മുറ്റത്ത് നിര്‍ത്തിയിട്ടിരുന്ന ബൈക്ക് മോഷ്ടിക്കാന്‍ ശ്രമം നടന്നിരുന്നു. പുല്ല് നനഞ്ഞ് കിടന്നിരുന്നതിനാല്‍ ബൈക്ക് തെന്നി മറിഞ്ഞു വീണതിനാല്‍ മോഷണശ്രമം ഉപേക്ഷിച്ച് രക്ഷപെടുകയായിരുന്നു. ഇവര്‍ വീട്ടിലേക്ക് കുടിവെള്ളമെടുക്കുന്ന ഹോസ് മുറിച്ച് കൊണ്ടുപോവുന്നത് പതിവായിരുന്നു. ഇത് കണ്ട് പിടിക്കാനാണ് സിസി കാമറ സ്ഥാപിച്ചത്. കഴിഞ്ഞ ദിവസം കാമറ ശ്രദ്ധയില്‍പെട്ട തസ്‌കരന്‍ പുലര്‍ച്ചെ കാമറയും ഇതിലേക്കുളള വയറുകളും മോഷ്ടിക്കുകയായിരുന്നു. എന്നാല്‍ കാമറ മോഷ്ടിക്കുന്നതുവരെയുള്ള ദൃശ്യം ഇതില്‍ പതിഞ്ഞതാണ് പ്രതിയെ കണ്ടെത്താന്‍ സഹായിച്ചത്. മോഷണവുമായി ബന്ധപ്പെട്ട് സമീപവാസിക്കെതിരെ അനീഷ് ഇടുക്കി പോലീസില്‍ പരാതി നല്‍കി. പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
Follow us on :
More in Related News
Please select your location.
