The parliamentary elections held at Vadayar Ilangavu Government UP School were a new experience for the children.

തലയോലപ്പറമ്പ്: കുരുന്നുകൾക്ക് ആവേശമായി സ്കൂൾ പാർലമെൻ്റ് തിരഞ്ഞെടുപ്പ്. ജനാധിപത്യ മൂല്യങ്ങളെ ഉയർത്തിപ്പിടിച്ചും ഇലക്ഷൻ പ്രവർത്തനം വിവരിച്ചുകൊണ്ടും തലയോലപ്പറമ്പ് വടയാർ ഇളങ്കാവ് ഗവൺമെൻ്റ് യുപി സ്കൂളിൽ നടത്തിയ സ്കൂൾ പാർലമെൻ്റ് തിരഞ്ഞെടുപ്പ് കുട്ടികൾക്ക് നവ്യാനുഭവമായി. പ്രത്യേകം തയ്യാറാക്കിയ സോഫ്റ്റ് വെയറിൻ്റെ സഹായത്തോടെ ലാപ്പ്ടോപ്പ് ഉപയോഗിച്ച് ഡിജിറ്റലായിട്ടായിരുന്നു തിരഞ്ഞെടുപ്പ് പ്രക്രിയ. തിരഞ്ഞെടുപ്പ് വിഞ്ജാപനം ഇറക്കി കുട്ടികളിൽ നിന്നും നാമനിർദ്ദേശ പത്രിക സ്വീകരിച്ച് അത് സൂക്ഷ്മപരിശോധന നടത്തി സ്ഥാനാർഥികൾക്ക് ചിഹ്നം അനുവദിച്ചായിരുന്നു ഇലക്ഷൻ.വടയാർ സർവ്വീസ് സഹകരണ ബാങ്ക് പ്രസിഡൻ്റ് കെ.ബി സുരേന്ദ്രൻ ഉദ്ഘാടനം ചെയ്തു.

പി.ടി.എ പ്രസിഡൻ്റ് എൻ.ആർ റോഷിൻ മോക്പോൾ നിർവ്വഹിച്ചു. പ്രോഗ്രാം കൺവീനർ ഏ.പി തിലകൻ തിരഞ്ഞെടുപ്പ് വിശദീകരണം നടത്തി. പ്രിസൈഡിംഗ് ഓഫീസർ, ഫസ്റ്റ് പോളിംഗ് ഓഫീസർ, സെക്കൻ്റ് ഹേളിംഗ് ഓഫീസർ, ബൂത്ത് സുരക്ഷ തുടങ്ങി ഇലക്ഷൻ ഡ്യൂട്ടികൾ സ്കൂൾ എച്ച്.എം പ്രവീൺ കുമാർ, അധ്യാപകരായ സി.ആർ അജി, മീര, ബിന്ദു, അനശ്വര, പി ടി എ ഭാരവാഹികളായ കെ.സി മനീഷ്, എം. പി അഭിലാഷ് എന്നിവർ നിർവ്വഹിച്ചു. ക്ലാസ് ലീഡർ, സ്കൂൾ ലീഡർ സ്ഥാനങ്ങളിലെ തിരഞ്ഞെടുപ്പിന് ശേഷം പ്രോജക്ടർ സ്ക്രീനിൽ ഫലപ്രഖ്യാപനവും നടത്തി.

Tags: