കോട്ടയം അതിരൂപതയുടെ പുതിയ പ്രോ-പ്രോട്ടോ സിഞ്ചെലുസായി കടുത്തുരുത്തി ഫൊറോന പള്ളി വികാരി ഫാ. തോമസ് ആനിമൂട്ടിൽ നിയമിതനായി.

10 Feb 2025 20:33 IST

Share News :

The new pro-proteo of the Archdiocese of Kottayam was hardened as Sinchelus and the parish priest of Forona Church Fr. Thomas Appointed to Animate. Sinche

കടുത്തുരുത്തി :കോട്ടയം അതിരൂപതയുടെ പുതിയ പ്രോ-പ്രോട്ടോ സിഞ്ചെലുസായി കടുത്തുരുത്തി ഫൊറോന പള്ളി വികാരി ഫാ. തോമസ് ആനിമൂട്ടിൽ നിയമിതനായി. സിഞ്ചെലുസായി (പബ്ലിക് അഫയേഴ്സ്) ഫാ. മൈക്കിൾ വെട്ടിക്കാട്ടും കടുത്തുരുത്തി ഫൊറോന വികാരിയായി ഫാ. ജോൺസൺ നീലാനിരപ്പേലും നിയമിക്കപ്പെട്ടു. പ്രോ-പ്രോട്ടോസിഞ്ചെല്ലൂസായിരുന്ന ഫാ. മൈക്കിൾ വെട്ടിക്കാട്ട് ദീപിക എം.ഡി.യായി നിയമിക്കപ്പെട്ടതിനെതുടർന്നാണ് ആ സ്ഥാനത്തേക്ക് ഫാ. തോമസ് ആനിമൂട്ടിൽ നിയമിതനായത്.

ഫാ. തോമസ് ആനിമൂട്ടിൽ 1989 ഏപ്രിൽ 13-ന് വൈദികപട്ടം സ്വീകരിച്ചു. തുടർന്ന് പുളിഞ്ഞാൽ പള്ളി വികാർ ഇൻചാർജായി നിമിക്കപ്പെട്ടു. അതിനുശേഷം റോമിലെ ഹോളി ക്രോസ് യൂണിവേഴ്സിറ്റിയിൽനിന്ന് കാനൻ നിയമത്തിൽ ലൈസൻഷ്യേറ്റ് നേടി. പിന്നീട് മാർ കുര്യാക്കോസ് കുന്നശ്ശേരിയുടെ സെക്രട്ടറിയായും ചാൻസിലറായും പ്രവർത്തിച്ചു. 1998-ൽ കണ്ണൂർ ബറുമറിയം

പാസ്റ്ററൽ സെന്റർ ഡയറക്ടറായും മലബാർ റീജിയൻ പ്രൊക്കുറേറ്ററായും സേവനം ചെയ്ത ശേഷം 2002-ൽ അമേരിക്കയിലെ ലോസാഞ്ചൽസിലുള്ള യു.സി.എൽ.എ യൂണിവേഴ്സിറ്റിയിൽനിന്നും ചാപ്ലയൻസിയിൽ ഡിപ്ലോമ സമ്പാദിച്ചു. ലോസാഞ്ചൽസ്, ന്യൂയോർക്ക്, ന്യൂജേഴ്സി എന്നീ ക്നാനായ മിഷനുകളുടെ ഡയറക്ടറായും കെ.സി.സി.എൻ.എ സ്പിരിച്വൽ അഡൈ്വസറായും ഡയറക്ടറായും സേവനം അനുഷ്ഠിച്ചു. 2008-ൽ കാരിത്താസ് ഫിനാൻസ് ഡയറക്ടറായി ചാർജെടുത്തു. ആറുമാസത്തിനുശേഷം കാരിത്താസിന്റെ ഡയറക്ടറായി നിയമിക്കപ്പെട്ടു. 10 വർഷം ഡയറക്ടറായി സേവനംചെയ്ത കാലയളവ് കാരിത്താസിന്റെ വളർച്ചയുടെ പ്രധാന നാഴികക്കല്ലായിരുന്നു. തുടർന്ന് ഉഴവൂർ ഫൊറോന വികാരിയായി അഞ്ചുവർഷം സേവനം ചെയ്തശേഷം കഴിഞ്ഞ 9 മാസമായി കടുത്തുരുത്തി ഫൊറോന വികാരിയായി പ്രവർത്തിക്കുമ്പോഴാണ് പുതിയ നിയമനം.

അതിരൂപത വിവാഹകോടതി ജഡ്ജിയായി

പ്രവർത്തിച്ചിട്ടുണ്ട്. കൂടാതെ ദൈവദാസന്മാരായ മാർ മാക്കീൽ പിതാവിന്റെയും പൂതത്തിൽ തൊമ്മിയച്ചന്റെയും പ്രമോട്ടർ ഓഫ് ജസ്റ്റീസായും പ്രവർത്തിക്കുന്നു. 9 വർഷം അതിരൂപത വൈദികസമിതി സെക്രട്ടറിയായിരുന്നു. നിലവിൽ അതിരൂപത പാസ്റ്ററൽ കൗൺസിൽ സെക്രട്ടറിയാണ്.

പയ്യാവൂർ ടൗൺ പള്ളി ഇടവക ആനിമൂട്ടിൽ പരേതരായ ജോസഫ്-ഏലി ദമ്പതികളുടെ മകനാണ്. സഹോദരങ്ങൾ: ഏലിയാമ്മ പുന്നച്ചൻ പുന്നോടത്ത് (റിട്ട. അധ്യാപിക), ചാക്കോ തിരൂർ, പരേതനായ ഫിലിപ്പ്, മാത്യു, ബേബി, ലൈസമ്മ ജോസഫ് കീഴേട്ടുകുന്നേൽ (വാതിൽമട).

Tags:

enlightmedia,malayalamnews,kerala,latestnews