തലയോലപ്പറമ്പിൽ വ്യാപാരിയെ പട്ടിക ഉപയോഗിച്ച് തലയ്ക്കടിച്ച് വീഴ്ത്തി; രണ്ടുപേർ പിടിയിൽ.

24 Dec 2024 20:36 IST

Share News :

The merchant was hit on the head with a table and two people were caught.

തലയോലപ്പറമ്പ് : വ്യാപാരിയെ രണ്ടംഗ സംഘം പട്ടിക ഉപയോഗിച്ച് തലയ്ക്കടിച്ച് വീഴ്ത്തി. നെറ്റിക്കും തലയ്ക്കും ആഴത്തിൽ മുറിവേറ്റ വ്യാപാരിയെ പൊതിയിലെ സ്വകര്യ ആശുപത്രിയിൽ പ്രവേശിപ്പിച്ചു. ചൊവ്വാഴ്ച ഉച്ചയ്ക്ക് 2 മണിയോടെ പൊതിപ്പാലത്തിന് സമീപമാണ് സംഭവം. പൊതി റെയിൽവേ മേൽപ്പാലത്തിന് സമീപം പലചരക്ക് കട നടത്തുന്ന തലപ്പാറ തുരുത്തേൽ ജോയി (61) നാണ് ആക്രമണത്തിൽ സാരമായി പരിക്കേറ്റത്. സംഭവവുമായി ബന്ധപ്പെട്ട് പൊതി ചക്കുംകുഴിയിൽ നിഖിൽ (37), തലയോലപ്പറമ്പ് പാലാംകടവ് വൈപ്പേൽ മിഥുൻ (37) എന്നിവരെ തലയോലപ്പറമ്പ് പോലീസ് കസ്റ്റഡിൽ എടുത്തു. പൊതി കള്ള് ഷാപ്പിന് സമീപം മീൻ തട്ട് ഇട്ട് വില്പന നടത്തുകയായിരുന്ന മറ്റൊരു വ്യാപാരിയുമായി യുവാക്കൾ തർക്കത്തിൽ ഏർപ്പെടുകയായിരുന്നു. ഇതിനിടെ മീൻ വാങ്ങാൻ എത്തിയതായിരുന്നു ജോയി. യുവാക്കൾ മത്സ്യവ്യാപാരിയുമായി

ബഹളമുണ്ടാക്കുന്നത് ചോദ്യം ചെയ്തതിൽ പ്രകോപിതരായ യുവാക്കളിൽ ഒരാൾ മീൻ കടയുടെ സമീപത്ത് കിടന്ന പട്ടിക ഉപയോഗിച്ച് ജോയിയുടെ തലയ്ക്കടിക്കുകയായിരുന്നു. നെറ്റിക്കും തലയ്ക്കും ആഴത്തിൽ മുറിവേറ്റ ജോയിയെ ഉടൻ തലയോലപ്പറമ്പ് സാമൂഹികാരോഗ്യ കേന്ദ്രത്തിലും തുടർന്ന് പൊതിയിലെ സ്വകാര്യ ആശുപത്രിയിലും പ്രവേശിപ്പിക്കുകയായിരുന്നു.

Tags:

തലയോലപ്പറമ്പിൽ വ്യാപാരിയെ പട്ടിക ഉപയോഗിച്ച് തലയ്ക്കടിച്ച് വീഴ്ത്തി; രണ്ടുപേർ പിടിയിൽ.

More in Related News