The inauguration of the self-employment based activity of the Ulakur GMUP School took place.

കൊണ്ടോട്ടി : ഒഴുകൂർ ജി എം യു പി സ്കൂൾ സോഷ്യൽ ക്ലബ്ബിന്റെയും, പിടിഎയുടെയും ആഭിമുഖ്യത്തിൽ സ്വയം തൊഴിൽ അധിഷ്ഠിത പ്രവർത്തിയുടെ ഉദ്ഘാടനം മൊറയൂർ പഞ്ചായത്ത് വൈസ് പ്രസിഡന്റ്‌ ശ്രീ. ജലീൽ മുണ്ടോടൻ നിർവഹിച്ചു. തയ്യൽ പരിശീലനം, ബുക്ക്‌ ബൈൻഡിങ്, ഫയൽ മേക്കിങ് തുടങ്ങിയ പരിശീലനം 2025 വിഷൻ ഭാഗമായി നടപ്പാക്കി തുടങ്ങി.

പ്ലാസ്റ്റിക് മുക്ത നാട്, ലഹരി മുക്ത നാട് എന്ന സന്ദേശവുമായി തെരുവ് നാടകം "ഇനിയും മരിക്കാത്ത ഭൂമി "എല്ലാ കവലകളിലും നടത്തുമെന്നും, വിവര സാങ്കേതിക വിദ്യാഭ്യസത്തിൽ ഓൺലൈൻ സേവനം അടക്കമുള്ള വരുമാന മേഖലകളിൽ കുട്ടികൾക്ക് സാധ്യതകൾ തുറന്ന് കൊടുക്കുമെന്നും സുനിത ടീച്ചർ, സംഗീത ടീച്ചർ എന്നിവർ വിവിധ പദ്ധതികളുടെ വിശദീകരണത്തിൽ വ്യക്തമാക്കി

പി ടി എ പ്രസിഡന്റ്‌ അൽമാസ് സാദിക് അദ്ധ്യക്ഷത വഹിച്ച ചടങ്ങിൽ എസ്എംസി ചെയർമാൻ മൂസ, രജിന, സജിനി, സുജിത് മാസ്റ്റർ, മൊയ്‌ദീൻ കുട്ടി മാസ്റ്റർ, ദീപ ടീച്ചർ, മറിയം ടീച്ചർ, സുജിത്ര ടീച്ചർ, ഹസീന ടീച്ചർ എന്നിവർ സംസാരിച്ചു. ഹെഡ് മാസ്റ്റർ ചന്ദ്രൻ സി സ്വാഗതവും, ശുക്കൂർ മാസ്റ്റർ നന്ദിയും പറഞ്ഞു.

Tags:

enlight news