Tue Dec 12, 2023 10:56 PM 1ST

Location  

Sign In

തലയാഴത്ത് കുടുംബാരോഗ്യകേന്ദ്ര നിർമാണം പൂർത്തിയായി.

10 Jul 2025 18:42 IST

santhosh sharma.v

Share News :

വൈക്കം: തലയാഴം ഗ്രാമപഞ്ചായത്തിലെ അഞ്ചാം വാർഡിലെ കുടുംബാരോഗ്യകേന്ദ്രത്തിന്റെ നിർമാണം പൂർത്തിയായി. എൻ.ആർ.എച്ച്.എം. ഫണ്ടിൽനിന്നുള്ള 1.26 കോടി രൂപ മുടക്കിയാണ് നിർമാണം പൂർത്തീകരിച്ചത്.

രണ്ട് ഒ.പി, ഒരു സ്പെഷ്യാലിറ്റി ഒ.പി, പരിശോധനാമുറി, നിരീക്ഷണമുറി, ഫാർമസി, ശൗചാലയം എന്നീ സൗകര്യങ്ങളോടെയാണ് പുതിയ കെട്ടിടം നിർമിച്ചിരിക്കുന്നത്. കുടുംബാരോഗ്യകേന്ദ്രം പ്രവർത്തനം ആരംഭിക്കുന്നതോടെ മൂന്നുഡോക്ടർമാരുടെ സേവനം ലഭിക്കും. രാവിലെ ഒമ്പതു മുതൽ വൈകിട്ട് ആറുവരെ ചികിത്സയും ഉണ്ടാകും. ഒപ്പം ഫാർമസിസ്റ്റ്, നഴ്‌സ് എന്നിവരുടെ എണ്ണത്തിലും വർധന ഉണ്ടാകും. നിലവിലുള്ള പ്രാഥമികാരോഗ്യകേന്ദ്രത്തിൽ ദിവസവും രാവിലെ ഒമ്പതുമുതൽ ഉച്ചയ്ക്ക് രണ്ടുവരെയാണ് പരിശോധനാസമയം. രണ്ട് ഡോക്ടർമാരാണ് ഇവിടെയുള്ളത്.



Follow us on :

More in Related News