പരാതി നൽകിയിട്ടും വീട്ടിലേക്കുള്ള സർവീസ് വയർ പൊട്ടിയത് പരിഹരിച്ചില്ല; വൈക്കത്ത് കെഎസ്ഇബി ഓഫീസിൽ രാത്രി പ്രതിക്ഷേധം.

19 Mar 2025 00:48 IST

Share News :

The breakdown of the service wire to the house was not resolved despite the complaint; night protest at the KSEB office at Vaikkath.

വൈക്കം: സർവീസ് വയർ പൊട്ടിയത് പരാതി നൽകിയിട്ടും വീട്ടിലേക്കുള്ള വൈദ്യുതി കെഎസ്ഇബി അധികൃതർ പുനസ്ഥാപിക്കാത്തതിൽ പ്രതിഷേധിച്ച് സി പി എം ജില്ലാ സെക്രട്ടേറിയേറ്റ് അംഗം പി.കെ. ഹരികുമാർ കെ എസ് ഇ ബി ഓഫീസിൽ രാത്രിയിൽ കുത്തിയിരുന്ന് പ്രതിഷേധിച്ചു. ചൊവ്വാഴ്ച രാവിലെയാണ് പി.കെ. ഹരികുമാറിൻ്റെ വീട്ടിലേക്കുള്ള സർവീസ് കേബിൾ റോഡിലൂടെ കടന്ന് പോയ വാഹനം തട്ടി പൊട്ടുന്നത്. ഉടൻ തന്നെ പി.കെ. ഹരികുമാർ വൈക്കം കെ എസ് ഇബിയിൽ വിളിച്ച് പരാതിപ്പെട്ടു.തുടർന്ന് അധികൃതർ സ്ഥലത്തെത്തി സർവീസ് വയർ കെട്ടുന്നതിനിടെ വൈദ്യുതി ബന്ധം തകരാറിലാവുകയായിരുന്നു. വൈകിട്ടോടെ വൈദ്യുതി വീണ്ടും എത്തിയപ്പോൾ ഹരികുമാറിൻ്റെ വീട്ടിൽ വൈദ്യുതി വിതരണം ഉണ്ടായില്ല. ഉടനെ വീണ്ടും കെ എസ്ഇബിയിൽ വിളിച്ച് അദ്ദേഹം പരാതിപ്പെട്ടെങ്കിലും രാത്രി കഴിഞ്ഞിട്ടും വീട്ടിൽ കെഎസ്ഇബി അധികൃതർ എത്താത്തതിനാലും വൈദ്യുതി ബന്ധം പുന:സ്ഥാപിക്കാത്തതിനെയും തുടർന്ന് പി.കെ. ഹരികുമാർ ഓഫീസിലെത്തി കുത്തിയിരുന്ന് പ്രതിഷേധിക്കുകയായിരുന്നു.

Tags:

പരാതി നൽകിയിട്ടും വീട്ടിലേക്കുള്ള സർവീസ് വയർ പൊട്ടിയത് പരിഹരിച്ചില്ല; വൈക്കത്ത് കെഎസ്ഇബി ഓഫീസിൽ രാത്രി പ്രതിക്ഷേധം.

More in Related News