കാരിക്കോട് സെന്റ് ജോർജ്ജ് ഇമ്മാനുവേൽ യാക്കോബായ സുറിയാനി പള്ളിയുടെ ശിലാസ്ഥാപന പെരുന്നാളും,

കടുത്തുരുത്തി: കാരിക്കോട് സെന്റ് ജോർജ്ജ് ഇമ്മാനുവേൽ യാക്കോബായ സുറിയാനി പള്ളിയുടെ ശിലാസ്ഥാപന പെരുന്നാളും, പരിശുദ്ധ മോറോൻ മോർ ഇഗ്നാത്യോസ് ഏലിയാസ് തൃതീയൻ പാത്രിയർക്കീസ് ബാവായുടെ ഓർമ്മപ്പെരുന്നാളും, ഭക്തസംഘടനയുടെ സംയുക്ത വാർഷികവും, 100 വർഷം പൂർത്തീകരിച്ച സെൻ്റ് ജോർജ്ജ് ഇമ്മാനുവേൽ സൺഡേ സ്കൂളിൻ്റെ ശതാബ്ദി ആഘോഷങ്ങളും, പൂർവ്വവിദ്യാർത്ഥി സംഗമവും ഫെബ്രുവരി 2 മുതൽ 5 വരെ നടക്കും. 3 ന് രാത്രി 7 മണിക്ക് നടക്കുന്ന പെതു സമ്മേളനത്തിൽ വച്ച് സൺഡേ സ്കൂളിൻ്റെ ശതാബ്ദി ആഘോഷങ്ങളുടെ ഉദ്ഘാടനം സഹകരണ- ദേവസ്വം - തുറമുഖം വകുപ്പ് മന്ത്രി ശ്രീ. വി. എൻ. വാസവൻ ഉദ്ഘാടനം ചെയ്യും.

ഫെബ്രുവരി 2 ന് രാവിലെ പ്രഭാത പ്രാർത്ഥന, 9.30 ന് ശദാബ്ദി വിളംബര ഘോഷയാത്ര, 1pm ന് കൊടിയർത്തൽ, വൈകിട്ട് 6 .30 ന് സന്ധ്യപ്രാർത്ഥന, 7 ന് സൺഡേ സ്കൂൾ ഭക്തസംഘടനകളുടെ വാർഷിക ആഘോഷവും വിവിധ കലാപരിപാടികളും.

ഫെബ്രുവരി 3ന് വൈകുന്നേരം 6 മണിക്ക് ബഹു. മന്ത്രിയെയും അഭി. പിതാക്കൻമാർക്കും സ്വീകരണം. 7 ന് നടക്കുന്ന പൊതുസമ്മേളനത്തിന് പൗരസ്ത്യ സുവിശേഷ സമാജം പ്രസിഡന്റും ഇടവക മെത്രാപ്പോലിത്തായുമായ മോർ ക്രിസോസ്റ്റോമോസ് മർക്കോസ് മെത്രാപ്പോലീത്ത അധ്യക്ഷത വഹിക്കും. ചടങ്ങിൽ മലങ്കര മെത്രാപ്പോലിത്തായും കാതോലിക്കോസ് അസിസ്റ്റൻറുമായ ഡോ. മോർ ഗ്രീഗോറിയോസ് ജോസഫ് മെത്രാപ്പോലിത്താ, എം. ജെ. എസ്. എസ്. എ. പ്രസിഡന്റ് ഡോ. മോർ അന്തിമോസ് മാത്യൂസ് മെത്രാപ്പോലിത്തായും അനുഗ്രഹപ്രഭാഷണം നടത്തും. അഡ്വ. മോൻസ് ജോസഫ് എംഎൽ.എ. ഭദ്രാസന വിജയികളെ അനുമോദിക്കും, പൗരസ്ത്യ സുവിശേഷസമാജം പ്രസിഡൻ്റ് മത്തായി റമ്പാൻ, മുളക്കുളം ഗ്രാമ പഞ്ചായത്ത് പ്രസിഡൻ്റ് ടി.കെ.വാസുദേവൻ നായർ, ടി.എസ്. ശരത്, സുബിൻ മാത്യു, പി.വി. ഏലിയാസ്, എ.യു. കുര്യൻ ആനക്കുഴി,റവ. ഗീവർഗീസ് കോർ എപ്പിസ്ക്‌കോപ്പ, ഫാ. ഷിബു സി കുര്യൻ തുടങ്ങിയവർ പ്രസംഗിക്കും. തുടർന്ന് മൂസിക്കൽ നൈറ്റും വിവിധ കലാപരിപാടികളും നടക്കും.

ഫെബ്രുവരി 4 ന് രാവിലെ 7.30 ന് വിശുദ്ധകുർബാന, വൈകിട്ട് 6.30ന് സന്ധ്യാ പ്രാർത്ഥന, 7:30 ന് 5 പ്രദക്ഷിണം 9 ന് ആശിർവാദം.

ഫെബ്രുവരി 5 ന് രാവിലെ 8.15 ഇടവക മെത്രാപ്പോലിത്താ മോർ ക്രിസോസ്റ്റോമോസ് മർക്കോസ് മെത്രാപ്പോലീത്തായുടെ മുഖ്യകാർമ്മികത്വത്തിൽ വിശുദ്ധ കുർബാന, 10.15 ന് തിരുശേഷിപ്പ് വണക്കം, 11.30 ന് പ്രദക്ഷിണം, 12.15 ന് നേർച്ചസദ്യ, 12..30ന് കൊടിയിറക്ക്.

കടുത്തുരുത്തി പ്രസ്സ് ക്ലബ്ബിൽ നടത്തിയ

വാർത്ത സമ്മേളനത്തിൽ

വികാരി ഫാ.ഗിവർഗ്ഗീസ് കോർഎപ്പിസ്കോപ്പ, ഫാ. ഷിബു സി. കുര്യൻ ഫാ ജിമ്മി മുളയംകോട് ട്രസ്റ്റി പി.ഒ. പീറ്റർ, സെക്രട്ടറി വിജോ എം ജോൺ പെരുന്നാൾ കൺവീനർ ബിജു ചാക്കോ മണലോടിയിൽ തുടങ്ങിയവർ പങ്കെടുത്തു.