People must come together to bring down Modi: VMSudheeran

പറവൂർ: രാജ്യം കണ്ട ഏറ്റവും മോശമായ പ്രധാനമന്ത്രിയായ നരേന്ദ്ര മോദിയെ ഭരണത്തിൽ നിന്നിറക്കാൻ ജനങ്ങൾ ഒറ്റ മനസായി രംഗത്തു വരണമെന്ന് കോൺഗ്രസ് നേതാവ് വി.എം.സുധീരൻ. യു.ഡി.എഫ്. സ്ഥാനാർത്ഥി ഹൈബി ഈഡന്റെ സ്ഥാനാർത്ഥി പര്യടനം മൂത്തകുന്നത്ത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിരവധി കോൺഗ്രസ് ഇതര പ്രധാനമന്ത്രിമാരും രാജ്യത്തുണ്ടായിട്ടുണ്ട്. പക്ഷേ, ഇത്രയും ജനവിരുദ്ധനായ ഭരണാധികാരിയുണ്ടായിട്ടില്ല. പ്രധാനമന്ത്രിയുടെ നേതൃത്വതിൽ വെറുപ്പും വിദ്വേഷവും മാത്രമാണ് രാജ്യത്ത് വളർന്നത്. മറ്റെല്ലാ രംഗങ്ങളിലും രാജ്യം പിന്നാക്കം പോയി. മോദിയും മുഖ്യമന്ത്രി പിണറായി വിജയനും അന്തർധാരയിലാണ്. ഇതില്ലായിരുന്നെങ്കിൽ പിണറായി പണ്ടേ പൂജപ്പുര ജയിലിൽ എത്തിയേനെ എന്നും സുധീരൻ പറഞ്ഞു. കമ്മ്യൂണിസ്റ്റ് പാർട്ടിയെ സ്നേഹിക്കുന്ന കമ്മ്യൂണിസ്റ്റുകാർ ഇക്കുറി യു.ഡി.എഫിന് വോട്ടു ചെയ്യുമെന്നും സുധീരൻ പറഞ്ഞു. പ്രതിപക്ഷ നേതാവ് വി.ഡി. സതീശൻ മുഖ്യപ്രഭാഷണം നടത്തി.

യു.ഡി.എഫ്. പറവൂർ നിയോജകമണ്ഡലം ചെയർമാൻ പി.എസ്. രഞ്ജിത്ത് അധ്യക്ഷത വഹിച്ചു. സ്ഥാനാർത്ഥി ഹൈബി ഈഡൻ, കെ.പി.സി.സി. വൈസ് പ്രസിഡന്റ് വി.പി. സജീന്ദ്രൻ, മുൻ എം.പി. കെ.പി.ധനപാലൻ, ടി.ജെ. വിനോദ് എം.എൽ.എ, മുസ് ലിം ലീഗ് പറവൂർ നിയോജക മണ്ഡലം ജനറൽ സെക്രട്ടറി കെ.കെ. അബ്ദുള്ള, ഡൊമനിക് പ്രസന്റേഷൻ, മുഹമ്മദ് ഷിയാസ്, ബി.എ. അബ്ദുൽ മുത്തലിബ്, ടോണി ചമ്മിണി, വി.കെ.സുനിൽകുമാർ, എം.ടി. ജയൻ, കെ.എ. അഗസ്റ്റിൻ, മുന മ്പം സന്തോഷ്, കെ.ശിവശങ്കരൻ, ഫ്രാൻസിസ് വലിയപറമ്പിൽ, എം.എസ്. റെജി, സുഗതൻ മാല്യങ്കര, റോഷൻ ചാക്കപ്പൻ, മധു അയ്യമ്പിള്ളി, പി.ആർ. സൈജൻ പ്രസംഗിച്ചു