കെ.എസ്.എസ്.പി.എ വനിതാഫോറം വൈക്കം നിയോജക മണ്ഡലം കമ്മറ്റിയുടെ നേതൃത്വത്തിൽ വനിതാ ദിനാഘോഷം സംഘടിപ്പിച്ചു.

08 Mar 2025 19:16 IST

Share News :

KSSPA Women's Forum organised Women's Day Celebration under the leadership of Vaikom Constituency Committee.

വൈക്കം: കേരള സ്റ്റേറ്റ് സർവ്വീസ് പെൻഷനേഴ്‌സ് അസ്സോസിയേഷൻ വനിതാഫോറം വൈക്കം നിയോജക മണ്ഡലം കമ്മറ്റിയുടെ നേതൃത്വത്തിൽ വനിതാ ദിനാഘോഷം സംഘടിപ്പിച്ചു.വൈക്കം നഗരസഭ ചെയർപേഴ്‌സൺ പ്രീതാ രാജേഷ് ഉദ്ഘാടനം ചെയ്തു. ഗ്രാൻഡ് മാസ് ഓഡിറ്റോറിയത്തിൽ നടന്ന ചടങ്ങിൽ വനിതാ ഫോറം വൈക്കം നിയോജകമണ്ഡ‌ലം പ്രസിഡൻ്റ് പി.എൽ സരസ്വതിയമ്മ അധ്യക്ഷത വഹിച്ചു. തലയോലപ്പറമ്പ് ഡി.ബി കോളേജ് റിട്ടേഡ് പ്രഫസർ ഡോ.വി.കല മുഖ്യപ്രഭാഷണം നടത്തി.

കെ.എസ്.എസ്.പി.എ വനിതാ ഫോറം സംസ്‌ഥാന കമ്മറ്റി അംഗം ലീല അക്കരപ്പാടം വനിതാദിന സന്ദേശം നൽകി. കെ.എസ്.എസ്.പി.എ സംസ്‌ഥാന സെക്രട്ടറിയേറ്റ് അംഗം ഗിരിജാ ജോജി ആശാ വർക്കർമാരെയും, ജില്ലാ പ്രസിഡൻ്റ് സുജാത രമണൻ മുതിർന്ന വനിതാ അംഗങ്ങളെയും ചടങ്ങിൽ ആദരിച്ചു. കെ എസ് എസ് പി എ നേതാക്കളായ ഭാരവാഹികളായ ഇ.എൻ ഹർഷകുമാർ, എൻ.കെ ശ്രീരാമചന്ദ്രൻ, പി.കെ മണിലാൽ, ബി.ഐ പ്രദീപ് തുടങ്ങിയവർ പ്രസംഗിച്ചു. വനിതാഫോറം നിയോജകമണ്‌ഡലം, മണ്ഡലം ഭാരവാഹികളും പ്രവർത്തകരും അടക്കം നിരവധി പേർ പങ്കെടുത്തു. തുടർന്ന് ദിനാഘോഷത്തിൻ്റെ ഭാഗമായി വിവിധ കലാപരിപാടികളും നടന്നു.

Tags:

കെ.എസ്.എസ്.പി.എ വനിതാഫോറം വൈക്കം നിയോജക മണ്ഡലം കമ്മറ്റിയുടെ നേതൃത്വത്തിൽ വനിതാ ദിനാഘോഷം സംഘടിപ്പിച്ചു.

More in Related News