From Kaduthuruthy to 600mangalam, a five-kilometer long human chain was completed.

കടുത്തുരുത്തി:കടുത്തുരുത്തി മുതൽ അറുന്നൂറ്റിമംഗലം വരെ അഞ്ചു കിലോമീറ്റർ ജനകീയ മനുഷ്യചങ്ങല തീർത്തു..

കടുത്തുരുത്തി അറുനൂറ്റിമംഗലം റോഡിന്റെ ശോചനീയാവസ്ഥ പരിഹരിക്കണം എന്നാവശ്യപ്പെട്ടുകൊണ്ടു ജനകീയവേദിയുടെ ആഭിമുഖ്യത്തിൽ സംഘടിപ്പിച്ച ജനകീയ മനുഷ്യച്ചങ്ങല വേറിട്ട പ്രതിഷേധമായി.

ജനകീയവേദിയുടെ ആഭിമുഖ്യത്തിൽ സംഘടിപ്പിച്ച മനുഷ്യച്ചങ്ങലയിൽ വിവിധ രാഷ്ട്രീയ പാർട്ടികളും അണിനിരന്നു

ശനിയാഴ്ച വൈകിട്ട് 4 മണിക്ക് കടുത്തുരുത്തി മാർക്കറ്റ് ജംഗ്ഷനിൽ നിന്നായിരുന്നു തുടക്കം.. കഴിഞ്ഞ മൂന്നു വർഷത്തിലേറെയായി പൊട്ടിപൊളിഞ്ഞു നാമാവശേഷമായി മാറിയ ഈ റോഡിൽ അപകടങ്ങൾ നിത്യാസംഭവമായിരുന്നു..

ഈ ദുരിതയാത്ര മാറ്റണമെന്നാവശ്യപ്പെട്ട് നിരവധി പ്രതിഷേധങ്ങളും നടന്നിരുന്നു.

എന്നാൽ അധികാരികൾ ഈ ദുരിതങ്ങൾ കണ്ടതായി നടിക്കുകയോ നടപടികൾ സ്വീകരിക്കുകയോ ചെയ്തില്ല.

ഈ സാഹചര്യത്തിൽ സ്വയം സംഘടിച്ച ജനങ്ങൾ സമരമുഖത്തേക്കിറങ്ങുകയായിരുന്നു.

കടുത്തുരുത്തി എം എൽ എ മോൻസ് ജോസഫ്,

എസ്.വി.ഡി. പള്ളിവികാരി ഫാദർ ടൈറ്റസ് തട്ടാമറ്റം,

കന്യാസ്ത്രീകൾ ,റെസിഡൻ്റസ് അസ്സോസിയേഷൻ, ഓട്ടോ ടാക്സി ഡ്രൈവർമാർ , പ്രദേശവാസികൾ തുടങ്ങിയ ജാതിമത രാഷ്ട്രീയ ഭേദങ്ങളില്ലാതെ ജനങ്ങൾ ഒറ്റക്കെട്ടായി നിന്നുകൊണ്ട് സമരത്തിന്റെ ഭാഗമായി.റോഡ് നന്നാക്കത്തതിൽ പ്രതിഷേധിച്ച് തിരുവോണ ദിവസം റോഡിൽ അലക്കിയും ക്രിസ്തുമസ്സ് ദിനത്തിൽ വേറിട്ട പ്രതിഷേധവും ഇവിടെ നടത്തിയിരുന്നു

Tags:

enlightmedia,malayalamnews,kerala,latestnews