Famous Puthukkavu Thalapoli Saturday

പ്രസിദ്ധമായ പുത്തുക്കാവ് താലപ്പൊലി ശനിയാഴ്ച

കൊടകര പുത്തുക്കാവ് ദേവീ ക്ഷേത്രത്തിലെ താലപ്പൊലി മഹോല്‍സവം ശനിയാഴ്ച ആഘോഷിക്കും. കാവില്‍ ദേശക്കാരുടെ നേതൃത്വത്തിലാണ് ഇത്തവണത്തെ താലപ്പൊലി ആഘോഷം. വെള്ളിയാഴ്ച വൈകീട്ട് അഞ്ചിന് ആനചമയ പ്രദര്‍ശനം, വിവിധ കലാപരിപാടികള്‍, ശനിയാഴ്ച പുലര്‍ച്ചെ ക്ഷേത്ര ചടങ്ങുകള്‍ , രാവിലെ 7.30 ന് ശ്രീഭൂതബലി, പുറത്തേക്ക് എഴുന്നള്ളിപ്പ് പഞ്ചാരിമേളം , ഉച്ച കഴിഞ്ഞ് 2.30 ന് കാഴ്ച ശീവേലി , പഞ്ചവാദ്യം, പാണ്ടിമേളം, രാത്രി 6.30 ന് ദീപാരാധന , 7.30 മുതല്‍ വിവിധ സമുദായങ്ങളുടെ താലിവരവ് , രാത്രി 8.10 ന് വിദ്യാഭ്യാസ അവാര്‍ഡ് വിതരണം , 9 ന് തിരുവനന്തപുരം കലാക്ഷേത്രയുടെ ശ്രീകൃഷ്ണ ഭാരതം ബാലെ തുടര്‍ന്ന് പുലയ സമുദായക്കാരുടെ കാളകളി വരവ്, 12 ന് സാംബവസമുദായക്കാരുടെ ദാരികന്‍ കാളി നൃത്തം വരവ് , 12.15 ന് കൊടകര തട്ടാന്‍ മാരുടെ താലിവരവ് , 12.30 ന് വിളക്കിനെഴുന്നള്ളിപ്പ് , പഞ്ചവാദ്യം,പുലര്‍ച്ചെ ഒന്നിന് ആശാരി സമുദായത്തിന്റെ തട്ടിന്‍മേല്‍ക്കളി , 3.30 ന് മേളം, രാവിലെ 6 ന് പാരമ്പര്യ അനുഷ്ഠാനകലാരൂപങ്ങളുടെ വരവ് എന്നിവയുണ്ടാകും . മേളത്തിന് ഡോ തിരുവല്ല രാധാകൃഷ്ണനും പഞ്ചവാദ്യത്തിന് കല്ലുവഴി ബാബുവും നേതൃത്വ നല്‍കും . എഴുന്നള്ളിപ്പില്‍ അഞ്ചാനകള്‍ അണിനിരക്കും . പല്ലാട്ട് ബ്രഹ്മദത്തന്‍ തിടമ്പേറ്റും ക്ഷേത്ര ചടങ്ങുകള്‍ക്ക് തന്ത്രിമാരായ അഴകത്ത് ത്രിവിക്രമന്‍ നമ്പൂതിരി, ഹരീഷ് നമ്പൂതിരി , മേല്‍ ശാന്തി ഹരികൃഷ്ണന്‍ എമ്പ്രാന്തിരി എന്നിവര്‍ കാര്‍മികത്വം വഹിക്കും .