Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
21 Jan 2025 21:07 IST
Share News :
ആളൂര്‍: ലളിത ജീവിതം നയിച്ച് ആളൂരിലെ ജനമനസുകളില്‍ ഇടം നേടിയ മാതൃക അധ്യാപകനായിരുന്നു തിങ്കളാഴ്ച അന്തരിച്ച എടത്താട്ടില്‍ മാധവന്‍ മാസ്റ്റര്‍. ആളൂര്‍ രാജര്‍ഷി സ്മാരക സ്‌കൂളില്‍ അധ്യാപകനായിരുന്നു. സി.പി.ഐ പ്രസ്ഥാനത്തോടു ചേര്‍ന്ന് പൊതുപ്രവര്‍ത്തനം തുടങ്ങിയ അദ്ദേഹം ജീവിതാന്ത്യം വരെ പ്രസ്ഥാനത്തില്‍ സജീവമായി തുടര്‍ന്നു. അധ്യാപക ജോലിയില്‍ നിന്ന് വിരമിച്ച ശേഷം പാര്‍്ട്ടി പ്രവര്‍ത്തനങ്ങളില്‍ സജീവമായിരുന്നു. ഏതാനും ദിവസം മുമ്പ് വരെ പാര്‍ട്ടി യോഗങ്ങളില്‍ പങ്കെടുത്തിരുന്നു. സി.പി.ഐയുടെ മാള മണ്ഡലം സെക്രട്ടറിയായും ജില്ല കൗണ്‍സില്‍ അംഗമായും പ്രവര്‍ത്തിച്ചു. അധ്യാപക സംഘടനയായ എ.കെ.എസ്.ടി.യു കെട്ടിപ്പടുത്തതില്‍ പ്രധാന പങ്കുവഹിച്ച് മാധവന്‍ മാസ്റ്റര്‍ ഈ സംഘടനയുടെ സ്ഥാപക ജനറല്‍ സെക്രട്ടറിയായിരുന്നു. ഒപ്പം പ്രവര്‍ത്തിച്ച പലരും തെരഞ്ഞടുപ്പുകളില്‍ മല്‍സരിച്ച് ജനപ്രതിനിധിയായപ്പോഴും മാധവന്‍ മാസ്റ്റര്‍ പാര്‍്ട്ടി പ്രവര്‍ത്തനങ്ങളില്‍ മാത്രമായി ഒതുങ്ങി. തന്റെ മരണശേഷം കണ്ണുകള്‍ ദാനം ചെയ്യണമെന്നും മൃതദേഹം മെഡിക്കല്‍ കോളജിലേക്ക് വിട്ടുനല്‍കണമെന്നുമുള്ള മാധവന്‍ മാസ്റ്ററുടെ ആഗ്രഹപ്രകാരം തിങ്കളാഴ്ച പരേതന്‍രെ കണ്ണുകള്‍ നേത്രബാങ്കിലേക്ക് ദാനം ചെയ്തു. മൃതദേഹത്തില്‍ റീത്ത് ,പൂച്ചെണ്ട്, മാല എന്നിവ വെക്കരുതെന്നം അദ്ദേഹം ആവശ്യപ്പെട്ടിരുന്നു.
Follow us on :
Tags:
More in Related News
Please select your location.
