Destruction of Public Distribution Centres; Congress marches and dharnas were also held at Thalaparambu.

തലയോലപ്പറമ്പ്: സാധാരണക്കാർക്ക് നിത്യോപയോഗ സാധനങ്ങൾ കുറഞ്ഞവിലയിൽ ലഭ്യമാക്കേണ്ട പൊതുവിതരണ കേന്ദ്രങ്ങളെ നോക്കുകുത്തിയാക്കുന്ന സർക്കാർ നിലപാടിൽ പ്രതിഷേധിച്ച് തലയോലപ്പറമ്പ് ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ തലയോലപ്പറമ്പ് സപ്ലൈകോ സൂപ്പർമാർക്കറ്റിലേക്ക് മാർച്ചും ധർണ്ണയും നടത്തി. പ്രതിക്ഷേധ സമരം ബ്ലോക്ക് പ്രസിഡൻ്റ് എം. കെ ഷിബു ഉദ്ഘാടനം ചെയ്തു. വിലക്കേയറ്റം ഉണ്ടാകില്ലെന്ന് പറഞ്ഞ് അധികാരത്തിൽ വന്ന പിണറായി സർക്കാർ മാവേലി സ്റ്റോറുകളിലൂടെ വിതരണം ചെയ്യുന്ന സാധനങ്ങളുടെ വില 40 മുതൽ 80 ശതമാനം വരെ വർധിപ്പിച്ചെന്നും കുറഞ്ഞ വിലയിൽ ലഭ്യമാക്കേണ്ട 13 ഇനം സാധനങ്ങളിൽ 9 ഇനവും ലഭ്യമല്ലാതാക്കിയെന്നും എം. കെ ഷിബു അഭിപ്രായപ്പെട്ടു. വൈസ് പ്രസിഡൻ്റ് പി. എം മക്കാർ അധ്യക്ഷത വഹിച്ചു. ഡിസിസി ജനറൽ സെക്രട്ടറി പി.വി. പ്രസാദ് മുഖ്യ പ്രഭാഷണം നടത്തി. നേതാക്കളായ അഡ്വ. പി.പി.സിബിച്ചൻ, വിജയമ്മ ബാബു, എം.ആർ.ഷാജി ,കെ. ജെ സണ്ണി, മോഹൻ കെ. തോട്ടുപുറം, കെ.കെ. കൃഷ്ണകുമാർ, ജോൺ തറപ്പേൽ തുടങ്ങിയവർ പ്രസംഗിച്ചു. പ്രതിക്ഷേധ മാർച്ചിന് കോൺഗ്രസ് നേതാക്കളായ എം. ജെ ജോർജ്, എസ്.ജയപ്രകാശ്, എൻ.സി. തോമസ്, പി. കെ ജയപ്രകാശ്, മുഹമ്മദ് മർസൂക്ക് , പി.പി. പത്മനന്ദനൻ, ജോസ് വേലിക്കകം,വി. ടി ജയിംസ്, കുര്യാക്കോസ് തോട്ടത്തിൽ, പി. സി തങ്കരാജ്, പി. വി സുരേന്ദ്രൻ, സി.ജി.ബിനു, ജയേഷ് മാമ്പള്ളി, അനിതാ സുഭാഷ്, വി.ജെ.ബാബു, വി.ആർ. ബേബിക്കുട്ടൻ തുടങ്ങിയവർ നേതൃത്വം നൽകി. ധർണ്ണയ്ക്ക് മുന്നോടിയായി പാലാം കടവിൽ നിന്നും ആരംഭിച്ച സപ്ലൈകോ ഓഫീസ് മാർച്ചിൽ നിരവധി പ്രവർത്തകർ അണിനിരന്നു.