54-year-old man who sexually assaulted 6-year-old sentenced to 14 years rigorous imprisonment and a fine of Rs sixty thousand

ചാവക്കാട്:6 വയസ്സുകാരിയെ ലൈംഗികാതിക്രമം നടത്തിയ 54 വയസ്സുകാരനെ 14 വർഷം കഠിനതടവിനും അറുപതിനായിരം രൂപ പിഴയും വിധിച്ചു ചാവക്കാട് ഫാസ്റ്റ് ട്രാക്ക് സ്പെഷ്യൽ കോടതി.കുട്ടിയെ സ്കൂളിലേക്ക് കൊണ്ടുപോയിരുന്ന പ്രതി സംരക്ഷിക്കാനുള്ള ഉത്തരവാദിത്വം അവഗണിച്ച് ലൈംഗിക അതിക്രമം നടത്തി എന്നുള്ളതാണ് പ്രോസിക്യൂഷൻകേസ്.2023 സെപ്റ്റംബർ ഒന്നിനും,ഒക്ടോബർ 23-നും ഇടയ്ക്കാണ് കേസിനാസ്പദമായ സംഭവം നടന്നത്.ഏങ്ങണ്ടിയൂർ ചേറ്റുവ കുണ്ടലിയൂർ പുതിയ വീട്ടിൽ മുഹമ്മദാലി മകൻ റഷീദ്(54)ആണ് ചാവക്കാട് അതിവേഗ സ്പെഷ്യൽ കോടതി കുറ്റക്കാരനാണെന്ന് കണ്ടെത്തി 14 വർഷം കഠിന തടവിനും 60,000 രൂപ പിഴ അടക്കാനും വിധിച്ചത്.പിഴ അടക്കാത്ത പക്ഷം 7 മാസം കൂടി അധിക തടവ് അനുഭവിക്കണം.പിഴസംഖ്യ അതിജീവിതക്ക് നൽകാനും ഉത്തരവായി.ചാവക്കാട് പോലീസ് സ്റ്റേഷനിലെ സിപിഒ സംഗീതകുട്ടിയുടെ മൊഴി രേഖപ്പെടുത്തി ഹാജരാക്കിയതിന്റെ അടിസ്ഥാനത്തിൽ എസ്ഐ അനിൽകുമാർ എഫ്ഐആർ രജിസ്റ്റർ ചെയ്തു.എസ്ഐ സെസിൽ ക്രിസ്ത്യൻ രാജ് കേസിന്റെ ആദ്യന്വേഷണം നടത്തി.എസ്എച്ച്ഒ വിപിൻ കെ.വേണുഗോപാൽ അന്വേഷണം പൂർത്തിയാക്കി പ്രതിക്കെതിരെ കോടതിയിൽ കുറ്റപത്രം സമർപ്പിച്ചു.പ്രോസിക്യൂഷനു വേണ്ടി 16 സാക്ഷികളെ വിസ്തരിക്കുകയും 21 രേഖകളും മുതലുകളും ഹാജരാക്കുകയും ചെയ്തു.വിസ്താര വേളയിൽ അതിജീവിതയും വീട്ടുകാരും കുറുമാറി പ്രതിക്കനുകൂലമായി മൊഴിമാറ്റി പറഞ്ഞതിനെ തുടർന്ന് പ്രോസിക്യൂട്ടർ കൂടുതൽ വിസ്താരം നടത്തിയതിൽ കാര്യങ്ങൾ കുട്ടി വെളിപ്പെടുത്തുകയായിരുന്നു.പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ടർ അഡ്വ.സിജു മുട്ടത്ത്,അഡ്വ.സി.നിഷ എന്നിവർ ഹാജരായി.വിസ്താരവേളയിൽ ലെയ്സൺ ഓഫീസർമാരും,സിപിഒമാരായ എം.ആർ.സിന്ധു,എ.പ്രസീത എന്നിവർ കോടതിയിൽ പ്രോസിക്യൂഷൻ നടപടികൾ ഏകോപിപ്പിച്ചു.