മുക്കം: മുത്തേരി പെരുമ്പടപ്പിൽ വിദേശ മദ്യഷാപ്പിന് നഗര സഭ' അനുമതി നൽകിയതുമായി ബന്ധപ്പെട്ട് നഗരസഭ ചെയര്‍മാനും വൈസ് ചെയർപേഴ്സനുമെതിരെ യു ഡി എഫ് കൊണ്ട് വന്നഅവിശ്വാസ പ്രമേയം നാളെ (ചൊവ്വ) രാവിലെ ചർച്ച നടക്കും. അതേ സമയം വിദേശമദ്യശാല തിങ്കളാഴ്ച്ച രാവിലെ മുതൽ പ്രവർത്തിച്ചില്ല. പ്രമേയം ചർച്ച നാളെ രാവിലെ 10 മണിക്ക് നടക്കുമെന്നാണ് നഗരസഭ പ്രതിപക്ഷ വൃത്തം പറഞ്ഞു.നഗരഭ ചെയർമാൻ പി.ടി. ബാബു,  വൈസ് ചെയർപേഴ്സൺ അഡ്വ. കെ പി. ചാന്ദിനി എന്നിവർക്കെതിരെയാണ് യു.ഡി എഫിലെ പതിനൊന്ന് അംഗ കൗൺസിലർമാർ അവിശ്വാസ പ്രമേയത്തിനുള്ള നോട്ടീസ്സ് കഴിഞ്ഞ ദിവസം സമർപ്പിച്ചത്. അവിശ്വാസ പ്രമേയം പരിഗണിക്കുന്നതിൻ്റെ ഭാഗമായി നാളെ രാവിലെ 10 മണിക്ക് കൗൺസിലറുമാരുടെ യോഗം മുക്കം നഗരസഭ ഓഫീസ്സിൽ ചേരുന്ന വിവരം തദ്ദേശ സ്വയഭരണ വകുപ്പ് ജോയിൻ്റ് ഡയരക്ടർ ടി ജെ ആരുൺ വിവരം കൗൺസിലർമാരെ അറിയിച്ചിരുന്നു.   കൗൺസിൽ യോഗത്തിൽ ബി ജെ പിയുടെയും, അതേസമയം ലീഗ് വിമതന്‍റെയും നീക്കവും പ്രമേയം വിജയ , പരാജയം വിലയിരുത്തുന്നത്. പ്രതിപക്ഷത്ത് നിന്ന് 15 പേരുടെ കാര്യം ഉറപ്പാക്കിയിട്ടുണ്ടെന്നാണ് പറയുന്നത് .. നേരത്തെ ലീഗ് വിമതനായ മുഹമ്മദ് അബ്ദുല്‍ മജീദ് മദ്യശാലക്ക് അനുമതി നല്‍കുന്നതിനെതിരെ രംഗത്ത് വരികയും ഭരണസമിതിക്കെതിരെ ബിജെപി, യു ഡി എഫ് ,വെല്‍ഫെയര്‍ പാര്‍ട്ടികൗണ്‍സിലര്‍മാരോടൊപ്പം വോട്ട് ചെയ്യുകയും ചെയ്തിരുന്നതാണ്. ലീഗ് വിമതൻ കൗൺസിലർ അബ്ദുൽ മജീദിൻ്റെ നീക്കമാണ് എല്ലാവരുംഉറ്റു നോക്കുന്നത്. നഗരസഭയിലെ 10ാം ഡിവിഷന്‍ മുത്തേരി പെരുമ്പടപ്പില്‍ ഈ മാസം രണ്ട് മുതലാണ് വിദേശ മദ്യശാല പ്രവര്‍ത്തനം തുടങ്ങിയത്. ലീഗ് വിമതനായ കൗൺസിലറുടെ ബലത്തിലാണ് സി.പി.എം നേതൃത്വത്തിൽ ഭരണം നിലനിൽക്കുന്നത്. മദ്യശാലക്ക് അനുമതി നല്‍കരുതെന്ന പ്രതിപക്ഷത്തിന്‍റെയും, നാട്ടുകാരുടെ ശക്തമായ പ്രതിഷേധങ്ങള്‍ നടക്കുന്നതിനിടെ ആഗസ്ത് മാസം 14 നാണ് നഗരസഭ മദ്യ ശാലക്ക് ലെെസന്‍സ് നല്‍കിയത്.ആഗസ്ത് മാസം16 ന് ചേര്‍ന്ന ഭരണസമിതി യോഗത്തില്‍ മാനദണ്ഡങ്ങള്‍ പാലിക്കാതെ നൽകിയ ലൈസൻസ് റദ്ദ് ചെയ്യണമെന്ന് ആവശ്യപ്പെട്ട് നടന്ന വോട്ടിങ്ങിൽ 13 ന് എതിരെ 17 വോട്ടുകള്‍ക്കാണ് ഭരണപക്ഷം പരാജയപ്പെട്ടിരുന്നത്.ഈ സാഹചര്യത്തില്‍ അവിശ്വാസത്തിനുള്ള  നീക്കങ്ങൾ നടക്കുന്നത്.മുന്നോടിയായി ആഗസ്ത് 27 ന് മുക്കം ബസ്റ്റാൻഡിൽ പ്രതിപക്ഷത്തിൻ്റെ നേതൃത്വത്തിൽ ബഹുജന ധർണ്ണയും ഉപവാസ സമരവും നടത്തിയിരുന്നു.  

ചിത്രം: അഗസ്ത്യൻമുഴിയിൽ പെ രുമ്പടപ്പിൽഅനുവദിച്ച മദ്യശാല തിങ്കളാഴ്ച്ച അടഞ്ഞ് കിടക്കുന്ന നിലയിൽ '