The accused in the narcotics case who escaped from custody is in the police net

തിരൂർ : മയക്കുമരുന്ന് കേസിൽ റിമാൻഡ് ചെയ്യപ്പെട്ട സമയം തിരൂർ കോടതി പരിസരത്ത് നിന്നും രക്ഷപ്പെട്ട് ഒളിവിലായിരുന്ന പ്രതി മൂന്നു മാസങ്ങൾക്ക് ശേഷം തിരൂർ പോലീസിന്റെ പിടിയിലായി. വെസ്റ്റ് ബംഗാൾ ബർധവാൻ സ്വദേശിയായ കഞ്ചാവ് മൂസ എന്നറിയപ്പെടുന്ന മുസാറാദ് അബ്ദുള്ള ഷെയ്ഖ്(21) നെയാണ് കോട്ടക്കൽ ഭാഗത്ത് വച്ച് പോലീസ് പിടികൂടിയത്. കഴിഞ്ഞ നവംബറിൽ ഒളിവിൽ പോയ പ്രതിക്കായി ജില്ലയിലുടെ നീളവും പ്രതിയുടെ നാട്ടിലും പോലീസ് വല വിരിച്ച് അന്വേഷണത്തിൽ ആയിരുന്നു....

ഈ പ്രതി തിരൂർ ഭാഗത്തേക്ക് വരാതെ കുറ്റിപ്പാല ചെട്ടിയാംകിണർ ഭാഗത്തുള്ള ക്വാർട്ടേഴ്സിൽ രഹസ്യമായി താമസിക്കുന്നുണ്ടെന്ന് കഴിഞ്ഞ ദിവസം കൃത്യമായ വിവരം ലഭിച്ചതിൽ പോലീസ് നിരീക്ഷണം ശക്തമാക്കിയതിനെ തുടർന്നാണ് ഇയാളെ പിടികൂടാൻ സാധിച്ചത്. രണ്ടേകാൽ കിലോഗ്രാം മയക്കുമരുന്ന് കൈവശം വെച്ചതിനാണ് പ്രതിയെ അറസ്റ്റ് ചെയ്തത് . കസ്റ്റഡിയിൽ നിന്നും ചാടിപ്പോയത് ഉൾപ്പെടെ രണ്ടു കേസുകളിൽ പ്രതിയെ തീരുർ മജിസ്ട്രറ്റ് മുമ്പാകെ ഹാജരാക്കി ഇയാളെ 14 ദിവസത്തേക്ക് റിമാൻഡ് ചെയ്തു.

തിരൂർ ഡിവൈഎസ്പി ഈ ബാലകൃഷ്ണന്റെ നേതൃത്വത്തിലുള്ള അന്വേഷണ സംഘത്തിൽ തിരൂർ സ്റ്റേഷൻ ഹൗസ് ഓഫീസർ ജിനേഷ് കെ ജെ, സബ്ഇൻസ്‌ സുജിത്ത് ആർ പി, സീനിയർ സിവിൽ പോലീസ് ഓഫീസർമാരായ അരുൺ, രാജേഷ് കെ ആർ, സിവിൽ പോലീസ് ഓഫീസർ ആയ സതീഷ് കുമാർ എന്നിവരും ഉണ്ടായിരുന്നു

Tags:

enlightmedia,malayalamnews,kerala,latestnews