Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
04 Sep 2024 14:35 IST
Share News :
നാട്ടുകാർക്ക് ദേശീയപാത വക ദുർഘട പാത
പറവൂർ: നിർമ്മാണം പുരോഗമിക്കുന്ന ദേശീയപാത 66 കുറുകെ കടന്നു പോകുന്ന ചെറിയപ്പിള്ളി - കോട്ടുവള്ളി റോഡിലെ എസ് എൻ ഡി പി കവലയിൽ നാട്ടുകാരെ ചളിക്കുളത്തിലാക്കി അധികൃതരുടെ ക്രൂരത. പലവട്ടം പരാതി പറഞ്ഞിട്ടും നടപടിയില്ലെന്നാണ് നാട്ടുകാർ പറയുന്നത്. നാലു വഴിയായി തിരിയുന്ന കവലയുടെ നടുഭാഗത്താണ് പുതിയ പാതയുടെ മേൽപ്പാലത്തിന് തൂണ് സ്ഥാപിച്ചത്. ഇതോടെ ഈ ഭാഗത്ത് റോഡ് പൂർണ്ണമായും തകർന്നു കിടക്കുകയാണ്. പകരം മണ്ണും ചളിയും നിരത്തി ഒരുക്കിയ യാത്രാസൗകര്യമാണ് അധികൃതർ ഒരുക്കിയത്. മഴക്കാലമായതോടെ പ്രദേശവാസികളും വാഹനയാത്രികരും ഒരുപോലെ ദുരിതത്തിലായി. പരാതി ഉയരുമ്പോൾ കുണ്ടും കുഴിയും നിറഞ്ഞ വഴിയിൽ മണ്ണും ചെളിയും ചേർന്ന മിശ്രിതം കൊണ്ടുവന്നിട്ട് നികത്തുകയാണ് ചെയ്യുന്നത്. ഇതോടെ യാത്ര കൂടുതൽ ദുഷ്കരമാകും. നിരവധി ഇരു ചക്രവാഹനങ്ങളാണ് ഇവിടെ തെന്നിവീഴുന്നത്. ആറാട്ടുകടവ് പാലം വഴി പോകുന്ന വാഹനങ്ങളും കൈതാരം വൊക്കേഷനൽ ഹയർ സെക്കൻഡറി സ്കൂളിലെക്കുള്ള വിദ്യാർത്ഥികളടക്കം നൂറു കണക്കിന് പേർ കാൽ നടയായും ഉപയോഗിക്കുന്ന വഴിയാണ് ദുർഘട പാതയാക്കിയിരിക്കുന്നത്.
Follow us on :
Tags:
More in Related News
Please select your location.
