In Mulakulam Krishi Bhavan, the Agriculture Officer has been absent for five months without any solution from the Panchayat Authorities

കടുത്തുരുത്തി:പെരുവ കൃഷി ഓഫീസർ ഇല്ലാതായിട്ട് അഞ്ചു മാസം പകരം പരിഹാരം കാണാതെ പഞ്ചായത്ത് അധികൃതർ, ഇതോടെ കർഷകർ ദുരിതത്തിൽ ആയി.മുളക്കുളം കൃഷിഭവനിലെ കൃഷി ഓഫീസറാണ് അഞ്ച് മാസം മുമ്പ് അവധിയിൽ പ്രവേശിച്ചത്. എന്നാൽ ഇതുവരെയും ഓഫീസർ തിരിച്ചെത്തിയിട്ടില്ല. ഇതിനിടയിൽ രണ്ട് കൃഷി ഓഫീസർമാരാണ് പകരത്തിനെത്തിയത്. പകരത്തിനെത്തിയ തലയോലപ്പറമ്പിലെ കൃഷി ഓഫീസർ അവിടെ ജോലി കൂടുതൽ മൂലം തിരികെ പോവുകയായിരുന്നു. ഇപ്പോൾ ഞീഴൂർ കൃഷി ഓഫീസർ ക്കാണ് ചാർജ് എന്നാൽ ഇവർക്കും യഥാസമയം മുളക്കുളം ഓഫീസിലെ കാര്യങ്ങൾ കൂടി നോക്കുവാൻ ഏറെ ബുദ്ധിമുട്ടാണ്.

ഏറ്റവും കൂടുതൽ നെൽകൃഷിയും മറ്റു കൃഷികളും ഉള്ള മുളക്കളത്ത് കൃഷി ഓഫീസർ ഇല്ലാത്തത് കർഷകരെയും കൃഷി ഓഫീസറുടെ സേവനം ആവശ്യമുള്ളവരെയും ഏറെ ബുദ്ധിമുട്ടിലാക്കുകയാണ്. ആകെ രണ്ട് ജീവനക്കാരാണ് ഇപ്പോൾ കൃഷിഭവനിൽ ഉള്ളത്. നെൽകൃഷിയുടെ ഇൻഷുറൻസുമായി ബന്ധപ്പെട്ട സ്ഥലം സന്ദർശിക്കേണ്ടിവരുമ്പോൾ ഓഫീസ് അടച്ചിടേണ്ട അവസ്ഥയിലാണ്.

കഴിഞ്ഞദിവസം എം.വി.ഐ.പി.യുടെ കനാൽ തുറന്നുവിട്ട് അധിക വെള്ളം പാടത്തേക്ക് കയറിയപ്പോൾ മുങ്ങിപ്പോയത് 10 ഏക്കറോളം നെൽകൃഷിയാണ്. ഇതുപോലുള്ള പ്രശ്നങ്ങൾ ആരോട് പറയും എന്നറിയാതെ വിഷമിക്കുകയാണ് കർഷകർ. വ്യക്തിപരമായ കാരണങ്ങളാൽ അവധിയിൽ പോയ കൃഷി ഓഫീസർ അവധി നീട്ടുകയാണ് എന്നാൽ ഇതിന് പരിഹാരം കാണേണ്ട പഞ്ചായത്ത് അധികൃതർ അതിന് ശ്രമിക്കുന്നില്ലെന്നും കർഷകർ ആരോപിക്കുന്നു

Tags:

enlightmedia,malayalamnews,kerala,latestnews