Excise arrested three persons with 48 gms of MDMA at Taliparamba, Kannur

കണ്ണൂർ : കണ്ണൂർ തളിപ്പറമ്പിൽ 48 ഗ്രാം MDMAയുമായി മൂന്ന് പേർ എക്സൈസ് പിടിയിലായി. കണ്ണൂർ പുതിങ്ങാടി സ്വദേശി ഷുഹൈൽ (36 വയസ്), മലപ്പുറം എടപ്പാൾ സ്വദേശികളായ മുബ്സീർ (25 വയസ്), രാജേഷ് (36 വയസ്) എന്നിവരാണ് തളിപ്പറമ്പ് ടൗണിലെ ലോഡ്ജിൽ നടത്തിയ റെയ്‌ഡിൽ മയക്കുമരുന്നുമായി പിടിയിലായത്. ലോഡ്ജിൽ മുറിയെടുത്ത് ചെറിയ പാക്കറ്റുകളിലാക്കി മയക്കുമരുന്ന് ആവശ്യക്കാർക്ക് എത്തിച്ചു കൊടുക്കുകയാണ് പതിവ്.

തളിപ്പറമ്പ് എക്സൈസ് റേഞ്ച് ഇൻസ്‌പെക്ടർ എബി തോമസിന്റെ നേതൃത്വത്തിലാണ് റെയ്‌ഡ്‌ നടന്നത്. പാർട്ടിയിൽ അസിസ്റ്റന്റ് എക്സൈസ് ഇൻസ്‌പെക്ടർ അഷ്‌റഫ്‌.എം.വി, അസിസ്റ്റന്റ് എക്സൈസ് ഇൻസ്‌പെക്ടർ മനോഹരൻ.പി.പി, പ്രിവൻ്റീവ് ഓഫീസർ നികേഷ്.കെ.വി, സിവിൽ എക്സൈസ് ഓഫീസർമാരായ ശ്യാംരാജ്.എ൦.വി, കലേഷ്.എ൦, സിവിൽ എക്സൈസ് ഓഫീസർ ഡ്രൈവർ പ്രകാശൻ.എ൦ എന്നിവരുമുണ്ടായിരുന്നു.

കണ്ണൂർ റെയിൽവേ സ്റ്റേഷനിൽ എക്സൈസും RPF ഉം നടത്തിയ സംയുക്ത പരിശോധനയിൽ ഗോവയിൽ നിന്നും കടത്തിക്കൊണ്ട് വന്ന 16.8 ലിറ്റർ മദ്യം പിടിച്ചെടുത്തു. തിരുനെൽവേലി സ്വദേശി ശരവണ പെരുമാൾ എന്നയാളെ അറസ്റ്റ് ചെയ്തു.

കണ്ണൂർ എക്സൈസ് റേഞ്ച് ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ ഷനിൽ കുമാർ.സി.പി.യും പാർട്ടിയും എക്സൈസ് ഇൻ്റലിജൻസും കണ്ണൂർ RPF ഉം ചേർന്നാണ് കേസ് കണ്ടെടുത്തത്. അസിസ്റ്റന്റ് എക്‌സൈസ് ഇൻസ്‌പെക്ടർ(ഗ്രേഡ്)മാരായ ഉണ്ണികൃഷ്ണൻ.വി.പി, ഷജിത്ത്.കെ(EI&IB), പ്രിവൻ്റീവ് ഓഫീസർ(ഗ്രേഡ്) സുഹൈൽ.പി.പി, സിവിൽ എക്സൈസ് ഓഫീസർമാരായ ഗണേഷ് ബാബു, അനീഷ്.ടി എന്നിവരും RPF ഉദ്യോഗസ്ഥരും റെയ്‌ഡിൽ പങ്കെടുത്തു.