13 Aug 2024 17:05 IST
Share News :
ബംഗളൂരു: ഷിരൂരിൽ മണ്ണിടിച്ചിലിൽ കാണാതായ മലയാളി ലോറി ഡ്രൈവർ അർജുനായുള്ള തിരച്ചിൽ പുനരാരംഭിച്ചു. പ്രാദേശിക മുങ്ങൽ വിദഗ്ധൻ ഈശ്വർ മാൽപെയും സംഘവും തിരച്ചിലിനായി പുഴയിൽ ഇറങ്ങി. തിരച്ചിലിന് അനുകൂല കാലാവസ്ഥയാണെന്ന് കാർവാർ എംഎൽഎ സതീഷ് കൃഷ്ണ സെയിൽ മാധ്യമങ്ങളോടു പറഞ്ഞു. ഗംഗാവലി പുഴയിലെ അടിയൊഴുക്ക് രണ്ട് നോട്ട്സായി കുറഞ്ഞു.
ദൗത്യം പുനരാരംഭിക്കാൻ വൈകുന്നതിൽ അര്ജുന്റെ കുടുംബം ഉത്തര കന്നഡ ജില്ലാ ഭരണകൂടത്തിനെതിരെ വിമര്ശനവുമായി രംഗത്തെത്തിയിരുന്നു. തെരച്ചില് ആരംഭിച്ചില്ലെങ്കില് ഷിരൂരില് കുടുംബം ഒന്നടങ്കം പ്രതിഷേധിക്കുമെന്നാണ് അര്ജുന്റെ സഹോദരിയുടെ ഭര്ത്താവ് ജിതിൻ നേരത്തെ പ്രതികരിച്ചത്.
തെരച്ചില് ആരംഭിക്കാൻ കേരള സര്ക്കാര് കര്ണാടക സര്ക്കാരില് സമ്മര്ദം ശക്തമാക്കിയതിനിടെയാണ് നാവിക സേനയുടെ പരിശോധന. നിലവില് കര്ണാടക സര്ക്കാര് പറയുന്ന കാര്യങ്ങള് അവിശ്വസിക്കേണ്ട കാര്യമില്ലെന്നും കേരള സര്ക്കാര് സമ്മര്ദം തുടരുന്നുണ്ടെന്നുമാണ് മന്ത്രി എകെ ശശീന്ദ്രൻ വൈകിട്ട് പ്രതികരിച്ചത്.
തെരച്ചില് തുടരുമെന്ന് കര്ണാടക ഉറപ്പ് നല്കിയിട്ടുണ്ട്. അർജുന്റെ കുടുംബത്തിന്റെ ആശങ്ക കർണാടക മുഖ്യമന്ത്രിയുടെയും ഉപമുഖ്യമന്ത്രിയുടെയും ശ്രദ്ധയിൽപ്പെടുത്തിയിട്ടുണ്ടെന്നും മന്ത്രി എകെ ശശീന്ദ്രൻ പറഞ്ഞിരുന്നു.
Follow us on :
Tags:
More in Related News
Please select your location.