Vaikom Block Panchayat's Vaikom Satyagraha Centenary Celebration and Book Distribution of 'Aksharajwala' Readership will be held tomorrow (November 7).

വൈക്കം: വൈക്കം ബ്ലോക്ക് പഞ്ചായത്തിൻ്റെ ആഭിമുഖ്യത്തിൽ വൈക്കം സത്യഗ്രഹ സമരത്തിൻ്റെ ശതാബ്‌ദി ആഘോഷവും 'അക്ഷരജ്വാല' വായനക്കളരിയുടെ പുസ്ത‌ക വിതരണവും നാളെ നവംബർ 7) ന് നടക്കും.

ബ്ലോക്ക് പഞ്ചായത്തിൻ്റെ വൈക്കം മുഹമ്മദ് ബഷീർ സ്മാരക ഹാളിൽ രാവിലെ 10ന് നടക്കുന്ന ആഘോഷ പരിപാടി 'കേരള ജ്യോതി' പ്രൊഫ:എം.കെ.സാനു ഉദ്ഘാടനം ചെയ്യും. വൈക്കം സത്യഗ്രഹ സമരചരിത്രത്തിന്റെ ഗ്രന്ഥകാരൻ അഡ്വ.പി.കെ.ഹരികുമാരിനെ ചടങ്ങിൽ ആദരിക്കും. ബ്ലോക്ക് പഞ്ചായത്ത് പ്രസിഡന്റ് അഡ്വ. കെ.കെ.രഞ്ജിത്ത് അദ്ധ്യക്ഷത വഹിക്കും. ജില്ലാ കളക്‌ടർ

ജോൺ വി. സാമുവൽ മുഖ്യപ്രഭാഷണം നടത്തും. വൈക്കം ബ്ലോക്ക് പഞ്ചായത്തിൻ്റെ അക്ഷരജ്വാല വായനക്കളരി പദ്ധതിയിൽപ്പെടുത്തി ഗ്രന്ഥശാലകൾക്കും സ്കൂ‌ളുകൾക്കും പുസ്‌തകങ്ങൾ വിതരണം ചെയ്യും. മാലിന്യമുക്ത നവകേരളം ലക്ഷ്യമിട്ട് കുട്ടികളിൽ ശുചിത്വസന്ദേശം പകർന്ന് നൽകുവാൻ വേണ്ടി വൈക്കം ബ്ലോക്ക് പഞ്ചായത്ത് തയ്യാറാക്കിയ ചിത്രകഥ 'അണ്ണാറക്കണ്ണന്റെ' പ്രകാശനവും ചടങ്ങിൽ നടക്കും. മാലിന്യമുക്ത നവകേരളം ക്യാമ്പയിന്റെ ഭാഗമായി ബ്ലോക്ക് പഞ്ചായത്ത് നടത്തിയ ജനകീയ ശുചിത്വ ക്വിസ് മത്സരത്തിൽ വിജയിച്ചവർക്കുള്ള സമ്മാനദാനവും മികച്ച ശുചിത്വ റാലിയും സേവന പ്രവർത്തനവും നടത്തിയവർക്കുള്ള അനുമോദനവും നടക്കും. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ

പി. എസ്. പുഷ്പമണി,ജില്ലാ പഞ്ചായത്ത് അംഗം ഹൈമി ബോബി, ബ്ലോക്ക് പഞ്ചായത്ത് വൈസ് പ്രസിഡന്റ് സുലോചന പ്രഭാകരൻ,

ജോയിന്റ് ഡയറക്‌ടർ, കോട്ടയം LSGD, ബിനുജോൺ, കോട്ടയം വിദ്യാഭ്യാസ ഡെപ്യൂട്ടി ഡയറക്‌ടർ സുബിൻപോൾ,

വിവിധ ഗ്രാമ പഞ്ചായത്ത് പ്രസിഡൻ്റുമാർ, ബ്ലോക്ക് പഞ്ചായത്ത് അംഗങ്ങൾ, ജനപ്രതിനിധികൾ തുടങ്ങിയവർ പ്രസംഗിക്കും.

Tags:

വൈക്കം ബ്ലോക്ക് പഞ്ചായത്തിൻ്റെ വൈക്കം സത്യഗ്രഹ ശതാബ്‌ദി ആഘോഷവും 'അക്ഷരജ്വാല' വായനക്കളരിയുടെ പുസ്ത‌ക വിതരണവും നാളെ (നവംബർ 7). വൈക്കം വാർത്ത