Vaikathasthami; The coop hanging of the facial evening work took place and the facial evening work will take place for four consecutive days from tomorrow.

വൈക്കം: വൈക്കം മഹാദേവ ക്ഷേത്രത്തിലെ അഷ്ടമി ഉത്സവത്തിന് മുന്നോടിയായി നടന്നു വന്ന പുള്ളി സന്ധ്യവേല സമാപിച്ചു. മുഖസന്ധ്യവേലയുടെ കോപ്പുതൂക്കൽ നടന്നു. വൈക്കത്തഷ്ടമി, സന്ധ്യവേല എന്നിവയ്ക്ക് മുന്നോടിയായി ആചാര പ്രകാരം ക്ഷേത്രത്തിൽ നടക്കുന്ന ചടങ്ങാണ് കോപ്പു തൂക്കൽ. ക്ഷേത്രത്തിലെ ആട്ടവിശേഷമായി വരുന്ന അടിയന്തരങ്ങൾക്ക് മുന്നോടിയായി വൈക്കത്തപ്പനും ഉപദേവതമാർക്കും വിശേഷാൽ വഴിപാട് നടത്തിയ ശേഷമാണ് കോപ്പു തൂക്കൽ നടന്നത്. ദേവസ്വം ഭരണാധികാരിയായ ഡെപ്യൂട്ടി ദേവസ്വം കമ്മിഷണർ എൻ. ശ്രീധര ശർമ്മ ക്ഷേത്രത്തിലെ അടിയന്തരങ്ങൾക്ക് ആവശ്യമായ സാധനങ്ങൾ അളന്ന് തൂക്കി അഡ്മിനിസ്ട്രേറ്റീവ് ഓഫീസർ ജെ.എസ്. വിഷ്ണുവിനെ എൽപ്പിച്ചു. പ്രതീകാത്മകമായി മംഗള വസ്തുക്കളായ മഞ്ഞളും ചന്ദനവും അളന്ന് ഏൽപ്പിച്ചതോടെ ചടങ്ങുകൾക്ക് വീഴ്ച വരാതെ നടത്തുന്നതിന് ക്ഷേത്ര കാര്യക്കാരനായ അഡ്മിനിസ്ട്രേറ്റീവ് ഓഫീസർ ഏറ്റുവാങ്ങുന്നതായാണ് വിശ്വാസം. മുഖ സന്ധ്യ വേല നാളെ ആരംഭിക്കും. മുഖ സന്ധ്യ വേല തുടർച്ചയായി നാല് ദിവസങ്ങളിലായാണ് നടക്കുക. സമൂഹ സന്ധ്യവേലകൾ 26 മുതൽ ആരംഭിക്കും.കൊടിയേറ്ററിയിപ്പ് 30 ന് നടക്കും.30 ന് രാവിലെ 8 ന് പന്തിരടി പൂജക് ശേഷം അവകാശിയായ മൂസത് ചമയങ്ങളില്ലാത്ത ആനപ്പുറത്തെഴുന്നള്ളി പെരുമ്പള്ളിയാഴത്ത് മനയെ പ്രതിനിധീകരിച്ച് അയ്യർകുളങ്ങര ദേവീ ക്ഷേത്രത്തിലും ഇണ്ടംതുരുത്തി മനയിലും ഉദയനാപുരം ക്ഷേത്രത്തിലും വൈക്കം ക്ഷേത്രത്തിലെ കൊടിയേറ്റ് വിവരം അറിയിക്കും. രാവിലെ 10നും 11.30നും ഇടയിൽ ക്ഷേത്ര കലവറയിൽ അഷ്ടമിയുടെ കോപ്പുതൂക്കലും നടത്തും. ഡിസംബർ 1നാണ് കൊടിയേറ്റ്. രാവിലെ 6.30 നും 7.30 നും മധ്യേയാണ് കൊടിയേറ്റ്.