The spot admission for admission to the vacant seats in Kaduthuruthy Polytechnic will be held on August 11.

കടുത്തുരുത്തി : കടുത്തുരുത്തി പോളിടെക്‌നികിൽ 2025-26 അധ്യയന വർഷം ഒഴിവുള്ള സീറ്റുകളിലേക്ക് പ്രവേശനത്തിനായി ഓഗസ്റ്റ് 11ന് സ്‌പോട്ട് അഡ്മിഷൻ നടക്കും. ഡിപ്ലോമ റാങ്ക് ലിസ്റ്റിൽ ഉൾപ്പെട്ടവർക്കും പുതിയതായി അപേക്ഷ നൽകാൻ ആഗ്രഹിക്കുന്നവർക്കും പങ്കെടുക്കാം. പുതിയ അപേക്ഷകർക്ക് കോളേജിൽ പ്രവർത്തിക്കുന്ന ഹെൽപ് ഡസ്‌ക് മുഖേനെ രാവിലെ 9ന് അപേക്ഷ ഫീസ് അടച്ച് റാങ്ക് ലിസ്റ്റിൽ ഇടം നേടാം. 10 മണി മുതൽ റാങ്ക് ലിസ്റ്റിൽ ഉൾപ്പെട്ടവർക്ക് സ്‌പോട്ട് അഡ്മിഷനിൽ പങ്കെടുക്കാം. വിദ്യാർത്ഥികൾ എസ്.എസ്.എൽ.സി ,ടി.സി, സി.സി വരുമാന സർട്ടിഫിക്കറ്റ്, ജാതി സർട്ടിഫിക്കറ്റ് പ്രോസ്‌പെക്സ്സ് പ്രകാരമുള്ള ഫീസ് (ഓൺലൈനായി എ.ടി.എം കാർഡ് അല്ലെങ്കിൽ ക്യൂ ആർ കോഡ് മുഖേന ) പി.ടി.എ ഫണ്ട്, യൂണിഫോം ഫീസ് എന്നിവ സഹിതം രക്ഷിതാവിനോടൊപ്പം എത്തണം. മറ്റ് പോളിടെക്‌നിക്ക് കോളേജുകളിൽ പ്രവേശനം നേടിയ വിദ്യാർത്ഥികൾ അഡ്മിഷൻ സ്‌ളിപ്പ്, പി.ടി.എ ഫണ്ട് എന്നിവ സഹിതവും രക്ഷിതാവിനോടൊപ്പം എത്തണം.