The great love of caring touched the students and the schools. Koratti Melur Lions Clubs

ലയൺസ് ഇന്റർനാഷണലിന്റെ സഹായത്തോടെ, കൊരട്ടി ലയൺസ് ക്ലബ്ബും മേലൂർ ലയൺസ് ക്ലബ്ബും സംയുക്തമായി, കൊരട്ടി, മേലൂർ ഗ്രാമ പഞ്ചായത്തുകളിലെ 5 സ്കൂളുകൾക്ക് 5 ലക്ഷം രൂപ വില വരുന്ന അടുക്കള ഉപകരണങ്ങൾ വിതരണം ചെയ്തു.

സെ. ജോസഫ്സ് ഹൈസ്കൂൾ മേലൂർ, വി.ബി.എൽ.പി. സ്കൂൾ പൂലാനി, സെ. ജോൺസ് യു.പി. സ്കൂൾ മേലൂർ, എം.എസ്.യു.പി. സ്കൂൾ ചിറങ്ങര, സെ. സ്റ്റെനിസ്ലാവോസ് എൽ.പി. സ്കൂൾ മംഗലശ്ശേരി എന്നീ സ്കൂളുകൾക്കാണ് ഫ്രിഡ്ജ്, മിക്സർ ഗ്രൈന്റർ, പ്രഷർ കുക്കർ, പാത്രങ്ങൾ എന്നിവ ഉൾപ്പടെയുള്ള ഓരോ ലക്ഷം രൂപയുടെ അടുക്കള ഉപകരണങ്ങൾ നൽകിയത്..

മേലൂർ കല്ലുകുത്തി സെ. ജോൺസ് യു.പി. സ്കൂളിൽ, മേലൂർ ലയൺസ് ക്ലബ്ബ് പ്രസിഡന്റ് ലയൺ പോളച്ചൻ മാസ്റ്ററുടെ അദ്ധ്യക്ഷതയിൽ ചേർന്ന യോഗം മേലൂർ ഗ്രാമ പഞ്ചായത്ത് പ്രസിഡന്റ് ശ്രീമതി സുനിത എം.എസ്. ഉദ്ഘാടനം ചെയ്തു. ലയൺസ് ക്ലബ്ബ് 318D മുൻ ഡിസ്ട്രിക്ട് ഗവർണ്ണർ ലയൺ സാജു ആൻറണി പാത്താടൻ PMJF, 318C ഡിസ്ട്രിക്ട് ഗവർണ്ണർ ലയൺ ബീന രവികുമാർ PMJF എന്നിവർ മേലൂർ പഞ്ചായത്തിലെ സ്കൂളുകൾക്ക് അടുക്കള ഉപകരണങ്ങൾ വിതരണം ചെയ്തു. റീജിയൻ ചെയർമാൻ ലയൺ അലക്സ് പറക്കടത്ത്, 318C സോൺ ചെയർമാൻ ലയൺ ഡേവിസ് എം.വി., ബന്ധപ്പെട്ട സ്കൂളുകളുടെ ഹെഡ് മാസ്റ്റർമാർ എന്നിവർ പ്രസംഗിച്ചു.

ഉച്ചക്ക് 2:30 ന് ചിറങ്ങര എം.എസ്.യു.പി. സ്കൂളിൽ, കൊരട്ടി ലയൺസ് ക്ലബ്ബ് പ്രസിഡന്റ് ലയൺ ജെയ്സൺ സെബാസ്റ്റ്യന്റെ അദ്ധ്യക്ഷതയിൽ ചേർന്ന യോഗം കൊരട്ടി ഗ്രാമ പഞ്ചായത്ത് പ്രസിഡന്റ് ശ്രീ. ബിജു പി.എസ്. ഉദ്ഘാടനം ചെയ്തു. ലയൺസ് ക്ലബ്ബ് 318D മുൻ ഡിസ്ട്രിക്ട് ഗവർണ്ണർ ലയൺ സാജു ആൻറണി പാത്താടൻ PMJF, 318C ഡിസ്ട്രിക്ട് ഗവർണ്ണർ ലയൺ ബീന രവികുമാർ PMJF എന്നിവർ കൊരട്ടി പഞ്ചായത്തിലെ സ്കൂളുകൾക്ക് അടുക്കള ഉപകരണങ്ങൾ വിതരണം ചെയ്തു. റീജിയൻ ചെയർമാൻ ലയൺ അലക്സ് പറക്കടത്ത്, 318C സോൺ ചെയർമാൻ ലയൺ ഡേവിസ് എം.വി., ബന്ധപ്പെട്ട സ്കൂളുകളുടെ ഹെഡ് മാസ്റ്റർമാർ എന്നിവർ പ്രസംഗിച്ചു

Tags: