The CPI district conference held at Vaikkam concluded and a new district secretary was elected.

വൈക്കം: സിപിഐ കോട്ടയം ജില്ലാ സെക്രട്ടറി ആയി അഡ്വ. വി. കെ സന്തോഷ് കുമാറിനെ തെരഞ്ഞെടുത്തു. കഴിഞ്ഞ മൂന്ന് ദിവസങ്ങളിലായി വൈക്കത്ത് നടന്നുവന്ന ജില്ലാ സമ്മേളനം ഏക കണ്ഠമായിട്ടാണ് പുതിയ സെക്രട്ടറിയെ തീരുമാനിച്ചത്.

എ ഐ ടി യു സി ജില്ലാ സെക്രട്ടറി പദവിയിൽ നിന്നാണ് വി. കെ സന്തോഷ് കുമാർ പാർട്ടി ജില്ലാ സെക്രട്ടറി എന്ന പുതിയ ഉത്തരവാദിത്തം ഏറ്റെടുക്കുന്നത്. ഏറെക്കാലം പാർട്ടി ജില്ലാ അസിസ്റ്റൻ്റ് സെക്രട്ടറി ആയും, പാർട്ടി സംസ്ഥാന കൗൺസിൽ അംഗമായും പ്രവർത്തിച്ച് വരുന്നു.

1978 ൽ പ്ലാശനാൽ സെൻ്റ് ആൻ്റണീസ് ഹൈ സ്കൂളിൽ എ ഐ എസ് എഫ്

യൂണിറ്റ് സെക്രട്ടറിയായിട്ടാണ് സംഘടന പ്രവർത്തനത്തിന് തുടക്കം കുറിക്കുന്നത്. തുടർന്ന് എ ഐ എസ് എഫിൻ്റെ ജില്ലാ സെക്രട്ടറി, എ ഐ വൈ എഫ് ജില്ലാ സെക്രട്ടറി, പാലാ, പൂഞ്ഞാർ മണ്ഡലങ്ങളും കടുത്തുരുത്തി പഞ്ചായത്തിലെ ചില പഞ്ചായത്തുകളും ഉൾപ്പെടെയുള്ള സി പി ഐ മീനച്ചിൽ താലൂക്ക് കമ്മറ്റി അസിസ്റ്റൻ്റ് സെക്രട്ടറി, സിപിഐ പൂഞ്ഞാർ മണ്ഡലം കമ്മറ്റി സെക്രട്ടറി, ജില്ലാ അസിസ്റ്റൻ്റ് സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. നിലവിൽ പാർട്ടി സംസ്ഥാന കൗൺസിൽ അംഗം ആണ്.

ട്രേഡ് യൂണിയൻ രംഗത്ത് എ ഐ ടി യൂ സി ജില്ലാ സെക്രട്ടറിയും ദേശീയ കൗൺസിൽ അംഗവുമാണ്. മീനച്ചിൽ താലൂക്ക് ചെത്ത് തൊഴിലാളി യൂണിയൻ പ്രസിഡൻ്റ്, മദ്യ വ്യവസായ തൊഴിലാളി യൂണിയൻ പ്രസിഡൻ്റ് , സപ്ലൈകോ എംപ്ലോയീസ് യൂണിയൻ ജില്ലാ പ്രസിഡൻ്റ് തുടങ്ങിയ സ്ഥാനങ്ങളും വഹിച്ചിട്ടുണ്ട്. മദ്യ വ്യവസായ തൊഴിലാളി ഫെഡറേഷന് സംസ്ഥാന ഭാരവാഹിയും നിലവിൽ സംസ്ഥാന മിനിമം വേജ് അഡ്വൈസറി

ബോർഡ് മെമ്പറുമാണ്.

തിരുവനന്തപുരം ലോ കോളേജിൽ നിന്നാണ് നിയമ ബിരുദം പൂർത്തിയാക്കിയത്. പൂഞ്ഞാറിലെ ആദ്യകാല കമ്യൂണിസ്റ്റ് പാർട്ടി പ്രവർത്തകനായിരുന്ന വി. എസ് കുട്ടപ്പൻ, ടി. കെ പൊന്നമ്മ ദമ്പതികളുടെ

മകനാണ്. ഭാര്യ - ശ്രീദേവി.

വിദ്യാർത്ഥികളായ ജീവൻ, ജീവ എന്നിവരാണ് മക്കൾ.

Tags:

വൈക്കത്ത് നടന്നു വന്ന സി പി ഐ ജില്ലാ സമ്മേളനം സമാപിച്ചു.പുതിയ ജില്ലാ സെക്രട്ടറിയെ തിരഞ്ഞെടുത്തു.

More in Related News