Smart man discovers asteroids in World Wide Book of Records

വൈക്കം:ഛിന്നഗ്രഹങ്ങളെ കണ്ടെത്തിയ വൈക്കത്തെ ചിന്ന മിടുക്കൻ ഇന്ത്യക്ക് ആകെ അഭിമാനമായുന്നു.ചെമ്പ് സ്വദേശി ശ്രേയസ് ഗിരീഷാണ് ഇന്ത്യക്ക് അഭിമാനകരമായ നേട്ടം സ്വന്തമാക്കി വേൾഡ് വൈഡ് ബുക്ക് ഓഫ് റെക്കോർഡ്സിൽ ഇടം നേടിയത്. ഛിന്നഗ്രഹങ്ങളെ കണ്ടെത്തിയഏറ്റവും പ്രായം കുറഞ്ഞ ഇന്ത്യക്കാരനെന്ന നേട്ടം സ്വന്തമാക്കിയ ചെമ്പ് തെക്കേച്ചിറ ഗിരിഷിന്റെയും ചിഞ്ചുവിന്റെയും മകനും കാക്കനാട് ജെംസ് മോഡേൺ അക്കാഡമിയിലെ ഏഴാം ക്ലാസ് വിദ്യാർത്ഥിയുമായ ശ്രേയസ്സിനെയാണ് പ്രാഥമിക ഛിന്നഗ്രഹ കണ്ടെത്തലിന്

അന്തർദേശീയ വാനനിരീക്ഷണം നടത്തിയ അഗീകാരം ലഭിച്ചത്.

അമേരിക്കൻ ബഹിരാകാശ ഏജൻസിയായ നാസയുമായി സഹകരിച്ച് നടത്തിയ ഓൺലൈൻ കാമ്പെയിനിലാണ് ശ്രേയസ്സിൻ്റെ അപൂർവ നേട്ടം. ഇന്ത്യ ബുക്ക്സ്ഓഫ് റെക്കാഡ്‌സിൽ ഇടംനേടിയ ശ്രേയസ് ഗിന്നസ് റിക്കാഡ് സിന്റെ പരിഗണനയിലായിരുന്നു. നാസയുടെ സഹകരണത്തോടെ കണ്ടെത്തിയ 800 ലധികം ഛിന്ന ഗ്രഹങ്ങളിൽ രണ്ടെണ്ണമാണ് ശ്രേയസിന്റെ ക്രെഡിറ്റിലുള്ളത്. 2021 ൽ നാസയുടെ ഇ റിസർച്ച് ടീമിൽ അംഗമായി. തു ടർന്ന് 2022ൽ നാസയുടെ സിറ്റിസൺ സയന്റിസ്റ്റായി. മാസ് ഇന്ത്യ ഒബ്‌സർവേഷൻ ടീം ആയ മിൽക്കി വേ എക്സ്പ്ലോറർ ടീം അംഗ മായി പ്രർത്തിക്കുമ്പോഴാണ് ശ്രേയസ് രണ്ട് ഛിന്ന ഗ്രഹങ്ങളെ കണ്ടെത്തിയത്. ഈ വർഷം ജനുവരിയിൽ തുടങ്ങിയ കാമ്പയിനിൽ ഫെ ബ്രുവരി 5 മുതൽ 29 വരെ നടത്തിയ റിസർച്ചിലാണ് ശ്രേയസിന്റെ നേട്ടം. ചെറുപ്പത്തിൽ തന്നെ ശ്രേയസ് ഗിരീഷ് ഛിന്നഗ്രഹ കണ്ടെത്തലിൽ ശ്രദ്ധേയമായ അർപ്പണബോധവും അഭിനിവേശവും പ്രകടിപ്പിച്ചിട്ടുണ്ട്. വാനനിരീക്ഷണത്തിലുള്ള പ്രതിബദ്ധതയും ശാസ്ത്രത്തോടുള്ള തീക്ഷ്ണമായ താൽപ്പര്യം, നിശ്ചയദാർഢ്യം, ഉത്സാഹം എന്നിവയാണ് ശ്രേയസ്സിനെ ലോകത്തിൻ്റെ നേറുകയിൽ എത്തിച്ചത്. വേൾഡ് വൈഡ് ബുക്ക് ഓഫ് റെക്കോർഡ്സിൽ നിന്നുള്ള അംഗീകാരം ഇന്നലെയാണ് ലഭിച്ചത്.

വൈക്കത്തിന് കൂടി ഈ

അംഗീകാരം ഒരു ചരിത്രമാണ്.

വാനനിരീക്ഷണവുമായി ബന്ധപ്പെട്ട് പുതു ലോകം കുതിച്ചുയരുമ്പോൾ വൈക്കത്ത് നിന്നുമുള്ള യുവപ്രതിഭ

ശ്രേയസ് നമുക്കെല്ലാവർക്കും ഒരു പ്രചോദനമാണ്. കഠിനാധ്വാനവും നിശ്ചയദാർഢ്യവും ഉണ്ടെങ്കിൽ എന്തും സാധ്യമാണെന്ന് തെളിയിക്കുകയാണ് വൈക്കം കാരനായ ഈ പതിമൂന്ന്കാരൻ.